ബാസ്‌കറ്റ് ബോളിലെ എക്കാലത്തെയും ഏറ്റവും മികച്ച താരമെന്നാണ് മൈക്കള്‍ ജോര്‍ഡനെ വിശേഷിപ്പിക്കുന്നത്. ഇപ്പോഴിതാ ഒരു ബാസ്‌ക്കറ്റ് ബോള്‍ താരത്തിന്റെ ഷൂ റെക്കോര്‍ഡ് വിലയില്‍ ലേലം ചെയ്യപ്പെട്ടതിന്റെ റെക്കോര്‍ഡും ജോര്‍ഡന് സ്വന്തം. താരം ഒരു മത്സരത്തില്‍ അണിഞ്ഞ ഷൂ 5,60,000 അമേരിക്കന്‍ ഡോളറിനാണ് ലേലത്തില്‍ വിറ്റുപോയത്. അതായത് 42,51,660 രൂപ. 

1985ല്‍ താരത്തിനായി ഡിസൈന്‍ ചെയ്ത ഷൂവില്‍ ജോര്‍ഡന്റെ ഓട്ടോഗ്രാഫും ഉണ്ട്. ആദ്യത്തെ സിഗ്നേച്ചര്‍ സ്‌നീക്കേഴ്‌സ് എന്ന പ്രത്യേകതയും ഈ ഷൂസിനുണ്ട്. 

ജോര്‍ഡന്റെ മറ്റ് ഷൂസുകളേപ്പോലെതന്നെ ഇവയ്ക്ക് ഇരുകാലുകള്‍ക്കും വ്യത്യസ്ത അളവുകളാണുള്ളത്. ഇടത് കാലിലെ ഷൂസിന്റെ സൈസ് 13ഉം വലതുകാലിന്റേത് 13.5ഉമാണ്. വെള്ള, കറുപ്പ്, ചുവപ്പ് നിറങ്ങള്‍ ചേര്‍ന്നതാണ് ഷൂ. ജോര്‍ഡന്റെ ജീവിതം തുറന്നുകാട്ടുന്ന ദി ലാസ്റ്റ് ഡാന്‍സ് എന്ന ഡോക്യുമെന്ററി റിലീസ് ആയതിന് ശേഷമാണ് താരം ഉപയോഗിച്ച വസ്തുക്കള്‍ സ്വന്തമാക്കാന്‍ ആവശ്യക്കാരേറുന്നത്.