ഗോള്‍ഡ് കോസ്റ്റ്: കോമണ്‍വെല്‍ത്ത് ഗെയിംസിന്റെ ഒന്‍പതാം ദിനം സ്വര്‍ണത്തോടെ തുടങ്ങി ഇന്ത്യ. ഷൂട്ടിങ്ങില്‍ തേജസ്വിനി സാവന്തിലൂടെ സ്വര്‍ണം നേടി ഇന്ത്യ സ്വര്‍ണ നേട്ടം പതിനഞ്ചിലേക്ക് എത്തിച്ചു. 

50 മീറ്റര്‍ റൈഫിളിലായിരുന്നു തേജസ്വനിയുടെ സ്വര്‍ണ നേട്ടം. 457.9 പോയിന്റോടെ കോമണ്‍വെല്‍ത്ത് ഗെയിംസ് റെക്കോര്‍ഡും തന്റെ പേരിലാക്കിയായിരുന്നു തേജസ്വിനിയുടെ പ്രകടനം. ഇതേ ഇനത്തില്‍ വെള്ളിയും ഇന്ത്യയ്ക്ക് തന്നെയാണ്. അഞ്ജും മൗഡ്കിലാണ് ഇന്ത്യയ്ക്ക് വേണ്ടി വെള്ളി നേടിയത്. 

ഒന്‍പതാം ദിനമായ ഇന്ന് ഇന്ത്യയ്ക്ക് ഗുസ്തിയിലും, ഷൂട്ടിങ്ങിലുമാണ് പ്രധാനമായും മെഡല്‍ പ്രതീക്ഷ. എന്നാല്‍ ബാഡ്മിന്റനിലും, ടേബിള്‍ ടെന്നിസിലുമെല്ലാം ഇന്ത്യന്‍ താരങ്ങള്‍ മികച്ച കളി പുറത്തെടുക്കുമെന്ന് തന്നെയാണ് വിലയിരുത്തപ്പെടുന്നത്. അത്‌ലറ്റിക്‌സിലേക്ക് വരുമ്പോള്‍ പുരുഷന്മാരുടെ 4*400 മീറ്റര്‍ റിലേയില്‍ ഇന്ത്യന്‍ താരങ്ങള്‍ ഫൈനലിലേക്ക് യോഗ്യത നേടിയിട്ടുമുണ്ട്.