പെട്രോള്‍, ഡീസല്‍ വില റോക്കറ്റ് പോലെ പൊയ്‌ക്കൊണ്ടിരിക്കുകയാണ്. ഇന്ധന വിലവര്‍ധന എല്ലാവരിലും വലിയ ആശങ്കയുണ്ടാക്കുന്നു. ഈ പോക്ക് എവിടെ ചെന്നെത്തിക്കും എന്നാണ് എല്ലാവരും ഒരേ സ്വരത്തില്‍ ചോദിക്കുന്നത്. പച്ചക്കറി മുതല്‍ നിത്യോപയോഗ സാധനങ്ങളുടെ വില വരെ കുത്തനെ ഉയരാന്‍ ഈ കുതിച്ചുക്കയറ്റം ഇടയാക്കും. സാധാരണക്കാരുടെ കാര്യമാണെങ്കില്‍ പറയുകയേ വേണ്ട. ജീവിത സാഹചര്യങ്ങളെ അപ്പാടെ തകിടം മറിക്കാൻ കെൽപ്പുള്ളതാണ് പടിപടിയായുള്ള ഈ വില വര്‍ധന. അപ്പോള്‍ പിന്നെ ഈ ആശങ്കയില്‍ കഴമ്പില്ലെന്ന് പറയാനാവില്ല. ഇനിയും വില കൂടുമോ എന്ന ചങ്കിടിപ്പിന് അര്‍ഥമുണ്ട്.