കണ്ണൂര്: പയ്യന്നൂര് ബേബി മെമ്മോറിയല് ആശുപത്രിയില് അനസ്തേഷ്യ നല്കിയ പിഴവിനെ തുടര്ന്ന് ചികിത്സയിലായിരുന്ന ഒരു വയസുകാരന് മരിച്ചു. എരമം സ്വദേശികളായ ദമ്പതികളുടെ മകന് ദേവാന്ഷ് ശൗര്യയാണ് മരിച്ചത്. സൂരജ് വിജിഷ ദമ്പതികളുടെ ഏകമകനാണ് ദേവാന്ഷ്
ഒരു വയസുകാരന് അനസ്തേഷ്യ നല്കിയതില് ആശുപത്രിക്ക് വീഴ്ച പറ്റിയെന്ന് ആരോപിച്ച് കുടുംബം ആശുപത്രിക്കെതിരെ പൊലീസില് പരാതി നല്കിയത്. അനസ്തേഷ്യ നല്കിയതോടെയാണ് കുട്ടി ഗുരുരാവസ്ഥയിലായത്. മുഖത്തെ മുറിവിന് സ്റ്റിച്ച് ഇടാന് വേണ്ടിയാണ് കുട്ടിക്ക് അനസ്തേഷ്യ നല്കിയത്. അനസ്തേഷ്യ നല്കിയപ്പോള് കുട്ടിക്ക് കാര്ഡിയാക് അറസ്റ്റ് ഉണ്ടായെന്നാണ് ആശുപത്രിയുടെ വിശദീകരണം. കുട്ടിയെ രക്ഷപ്പെടുത്താന് ശ്രമം തുടരുന്നുവെന്നും അധികൃതര് അറിയിച്ചു.
സംഭവത്തിന് പിന്നാലെ ആശുപത്രിയില് യുവജന സംഘടനകള് പ്രതിഷേധവുമായി രംഗത്തെത്തിയിരുന്നു. കുടുംബം പരാതി നല്കിയതിന് പിന്നാലെ അനസ്തീഷ്യ നല്കിയ ഡോക്ടര് അഞ്ജലി പൊതുവാളിനെതിരെ പൊലീസ് കേസെടുത്തിരുന്നു. ഡോക്ടറുടെ അശ്രദ്ധ കാരണം കുട്ടിക്ക് ബ്രെയിന് ഡാമേജ് സംഭവിച്ചെന്ന് എഫ്ഐആറില് പറയുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
