

ശബരിമല തീർത്ഥാടനവുമായി ബന്ധപ്പെട്ട് കാലങ്ങളായി നിലനിൽക്കുന്ന ചില ആചാരങ്ങൾക്കും വിശ്വാസങ്ങൾക്കും പിന്നിൽ വ്യക്തമായ ആത്മീയവും ജ്യോതിഷപരവുമായ സങ്കൽപ്പങ്ങളുണ്ട്. എന്നാൽ ആചാരങ്ങളുടെ യഥാർഥ ഉദ്ദേശ്യം മനസ്സിലാക്കാതെ അവയെ തെറ്റായ രീതിയിൽ അനുക രിക്കുന്നത് പലപ്പോഴും വിശ്വാസത്തിന്റെ അന്തസ്സിനു തന്നെ മങ്ങലേൽപ്പിക്കുന്നു. അത്തരത്തിൽ ഗൗരവമായി ചർച്ച ചെയ്യേണ്ട ഒരു വിഷയമാണ് പമ്പയിൽ കുളിക്കുന്ന ഭക്തർ ധരിച്ചിരുന്ന വസ്ത്രങ്ങൾ അവിടെത്തന്നെ ഉപേക്ഷിച്ചു പോകുന്ന പ്രവണത.
ശനിദോഷം മാറുന്നതിനും ശനിയുടെ പ്രതികൂല ഫലങ്ങൾ കുറയ്ക്കുന്നതിനും കറുത്ത വസ്ത്രം ധരിക്കുന്നതും ചില പ്രത്യേക സാഹചര്യങ്ങളിൽ കറുത്ത വസ്ത്രം ദാനം ചെയ്യുന്നതും ജ്യോതിഷപരമായ പരിഹാരങ്ങളായി ആചരിച്ചുവരുന്നുണ്ട്. അതുപോലെ ചിലർ കറുത്ത വസ്ത്രം, നീല വസ് ത്രം എന്നിവ ശനിയുടെ പ്രതീകങ്ങളായി കണക്കാക്കി വഴിപാടുകളുടെയും ദാനധർമങ്ങളുടെയും ഭാഗമായി ഉപയോഗിക്കുന്നു. എന്നാൽ ഇത്തരം പരിഹാരങ്ങൾക്ക് വ്യക്തമായ ആചാരക്രമവും സങ്കൽപ്പവുമുണ്ട്. ശനിദോഷപരിഹാരത്തിന്റെ പേരിൽ പമ്പയിൽ കുളിച്ചശേഷം ധരിച്ചിരുന്ന വസ്ത്രം ഉപേക്ഷിച്ചുപോകുന്നത് അതിന്റെ ഭാഗമാണെന്ന് കരുതുന്നത് ശരിയല്ല.
ശനിദോഷപരിഹാരവും വസ്ത്രദാനവും
ജ്യോതിഷത്തിൽ ശനി കർമം, നീതി, അച്ചടക്കം, ക്ഷമ, ഉത്തരവാദിത്വം എന്നിവയുടെ കാരകനായാണ് കണക്കാക്കപ്പെടുന്നത്. ശനിയുടെ അനിഷ് ടഫലങ്ങൾ കുറയ്ക്കുന്നതിനായി ശനിയാഴ്ച വ്രതമെടുക്കുക, ശനിക്ഷേത്ര ദർശനം നടത്തുക, എള്ളെണ്ണ വിളക്ക് തെളിയിക്കുക, അർഹരായവർ ക്ക് ഭക്ഷണം, വസ്ത്രം തുടങ്ങിയവ ദാനം ചെയ്യുക, ശാരീരികമായി ബുദ്ധിമുട്ടുന്നവരെയും നിർധനരെയും സഹായിക്കുക തുടങ്ങിയ പരിഹാരമാ ർഗങ്ങൾ പരമ്പരാഗതമായി നിർദേശിക്കാറുണ്ട്.
കറുപ്പ് ശനിയുടെ വർണമായി കണക്കാക്കപ്പെടുന്നതിനാൽ കറുത്ത വസ്ത്രദാനത്തിനും ചില ജ്യോതിഷസമ്പ്രദായങ്ങളിൽ പ്രാധാന്യമുണ്ട്. എന്നാൽ ദാനം എന്നത് ഉപയോഗശൂന്യമായ ഒരു വസ്തു ഉപേക്ഷിക്കുന്നതല്ല. മറ്റൊരാൾക്ക് പ്രയോജനപ്പെടുന്ന രീതിയിൽ ശുദ്ധമായ മനസ്സോടെ നൽകുന്നതാണ് ദാനം. ദാനത്തിന് സ്വീകർത്താവും സങ്കൽപ്പവും ഉദ്ദേശ്യവും ഉണ്ടായിരിക്കണം.
പമ്പയിൽ വസ്ത്രം ഉപേക്ഷിക്കുന്നത് പുണ്യമല്ല
ശബരിമല തീർത്ഥാടനത്തിന്റെ ഭാഗമായി പമ്പയിൽ പുണ്യസ്നാനം നടത്തുന്നത് വിശ്വാസപരമായി ഏറെ പ്രാധാന്യമുള്ള കാര്യമാണ്. സ്നാനശേഷം നനഞ്ഞ വസ്ത്രം മാറ്റി വൃത്തിയുള്ള വസ്ത്രം ധരിക്കാം. എന്നാൽ ഉപയോഗിച്ച വസ്ത്രം പമ്പാനദിയിലോ നദീതീരത്തോ പരിസരത്തോ ഉപേക്ഷിച്ചു പോകുന്നത് ഒരു ആചാരമായി കാണേണ്ടതില്ല.
പമ്പയിൽ വസ്ത്രങ്ങൾ ഉപേക്ഷിക്കുന്നത് ദാനമല്ല, പുണ്യകർമവുമല്ല. മറിച്ച് തീർത്ഥാടനകേന്ദ്രത്തിന്റെ ശുചിത്വത്തെയും പരിസ്ഥിതിയെയും ബാധി ക്കുന്ന പ്രവൃത്തിയാണ്. ആയിരക്കണക്കിന് ഭക്തർ എത്തുന്ന പുണ്യനദിയുടെ തീരത്ത് വസ്ത്രങ്ങളും മറ്റ് ഉപേക്ഷിക്കപ്പെട്ട വസ്തുക്കളും കുമിഞ്ഞു കൂടുന്നത് ഗുരുതരമായ പരിസ്ഥിതി പ്രശ്നങ്ങൾക്ക് കാരണമാകുന്നു. നദിയിലെ ജലത്തിന്റെ ശുദ്ധി നിലനിർത്തേണ്ടത് ഓരോ ഭക്തന്റെയും ഉത്തരവാദിത്വമാണ്.
പ്രത്യേകിച്ച് പമ്പയിൽ കുളിക്കുന്നവർ അവിടെ ത്തന്നെ വസ്ത്രങ്ങൾ ഉപേക്ഷിച്ചുപോകുന്ന പ്രവണത തീർത്ഥാടനത്തിന്റെ പവിത്രതയ്ക്കു തന്നെ വിരുദ്ധമാണ്. ഒരു വസ്ത്രം ഉപേക്ഷിച്ചതു കൊണ്ട് ശനിദോഷം മാറുമെന്നോ പാപങ്ങൾ ഇല്ലാതാകുമെന്നോ കരുതുന്നതിന് ആചാരപരമായോ ആ ത്മീയമായോ പൊതുവായ അടിസ്ഥാനമില്ല.
അയ്യപ്പഭക്തിയുടെ ഭാഗമാണ് പ്രകൃതിസംരക്ഷണവും
ശബരിമല വ്രതം എന്നത് കറുത്തതോ നീലനിറത്തിലുള്ളതോ ആയ വസ്ത്രം ധരിക്കുന്നതിൽ മാത്രം ഒതുങ്ങുന്നതല്ല. ശരീരശുദ്ധി, മനഃശുദ്ധി, ഇന്ദ്രിയനിയന്ത്രണം, ലാളിത്യം, സത്യസന്ധത, സഹ ജീവികളോടുള്ള കരുണ, പ്രകൃതിയോടുള്ള ആദരവ് എന്നിവയെല്ലാം വ്രതത്തിന്റെ ഭാഗമാണ്.
'തത്ത്വമസി' എന്ന മഹത്തായ സന്ദേശം ഉൾക്കൊണ്ട് ഓരോ ജീവിയിലും ഈശ്വരചൈതന്യം ദർശിക്കാനാണ് അയ്യപ്പദർശനം നമ്മെ പഠിപ്പിക്കുന്നത്. അങ്ങനെയുള്ള തീർത്ഥാടനത്തിൽ മറ്റുള്ളവർക്ക് ബുദ്ധിമുട്ടുണ്ടാക്കുന്ന പ്രവൃത്തികൾ ചെയ്യുന്നത് ഭക്തിയുടെ യഥാർഥ ലക്ഷ്യത്തിന് നിരക്കുന്നതല്ല.
പമ്പയിൽ ഉപേക്ഷിക്കുന്ന ഒരു വസ്ത്രം പോലും അവിടത്തെ ശുചീകരണപ്രവർത്തകരുടെ അധിക ജോലിയായി മാറുന്നു. നദീതീരത്തെ മാലിന്യപ്ര ശ്നം വർധിപ്പിക്കുകയും ചെയ്യുന്നു. തീർത്ഥാടന കേന്ദ്രത്തിന്റെ സംരക്ഷണത്തിനായി പ്രവർത്തിക്കുന്ന ദേവസ്വം ബോർഡിനും ബന്ധപ്പെട്ട അധികൃ തർക്കും ഇത്തരം പ്രവണതകൾ വലിയ ബുദ്ധിമുട്ടുണ്ടാക്കുന്നുണ്ട്. ഭക്തർ സ്വന്തം ഉത്തരവാദിത്വം തിരിച്ചറിയാത്തിടത്തോളം ഈ പ്രശ്നത്തിന് പൂർ ണ പരിഹാരം ഉണ്ടാകില്ല.
ഭക്തർ ചെയ്യേണ്ടത് എന്താണ്?
പമ്പയിൽ കുളിക്കുമ്പോൾ ഉപയോഗിക്കുന്ന വസ്ത്രങ്ങൾ തിരികെ കൊണ്ടുപോകണം. അവ കഴുകി ഉപയോഗിക്കാവുന്നതാണെങ്കിൽ വീണ്ടും ഉപയോഗിക്കാം. ദാനം ചെയ്യാൻ ഉദ്ദേശിക്കുന്ന കറുത്തതോ നീലനിറത്തിലുള്ളതോ ആയ വസ്ത്രങ്ങൾ വൃത്തിയുള്ള നിലയിൽ അർഹരായ വ്യക്തിക ൾക്കോ സ്ഥാപനങ്ങൾക്കോ നൽകാം. ശനിദോഷ പരിഹാരത്തിനായി വസ്ത്രദാനം നടത്താൻ ആഗ്രഹിക്കുന്നവർ ആചാരവിധികൾ അറിയാവുന്ന വരുടെ നിർദേശപ്രകാരം അത് ചെയ്യുന്നതാണ് ഉചിതം. ദാനത്തിന്റെ പേരിൽ ഉപയോഗശൂന്യമായ വസ്തുക്കൾ പുണ്യസ്ഥലങ്ങളിൽ ഉപേക്ഷിക്കുന്നത് ഒരിക്കലും പ്രോത്സാഹിപ്പിക്കരുത്. പുണ്യനദികളെ മലിനമാക്കാതെ സംരക്ഷിക്കുന്നതും ഒരു പുണ്യ കർമമായി കാണണം.
ആചാരത്തിന്റെ പേരിൽ അനാചാരം തുടരരുത്
ശബരിമലയിലേക്കുള്ള യാത്ര കേവലം ഒരു വിനോദയാത്രയോ ക്ഷേത്രദർശനമോ അല്ല. ശരീരത്തെയും മനസ്സിനെയും ശുദ്ധീകരിക്കുന്ന ആത്മീ യയാത്രയാണ്. ആ യാത്രയിൽ ഓരോ ഭക്തനും പാലിക്കേണ്ട ചില അടിസ്ഥാന ഉത്തരവാദിത്വങ്ങളുണ്ട്. അവയിൽ പ്രധാനപ്പെട്ടതാണ് പമ്പയുടെ യും ശബരിമലയുടെയും പരിസരം വൃത്തിയായി സൂക്ഷിക്കുക എന്നത്.
ശനിദോഷം മാറാനെന്ന പേരിൽ കറുത്ത വസ്ത്രം ഉപേക്ഷിക്കുന്നതും പമ്പയിൽ കുളിച്ചശേഷം ധരിച്ചിരുന്ന വസ്ത്രങ്ങൾ അവിടെ ഉപേക്ഷിച്ചു പോകുന്നതും തമ്മിൽ വ്യത്യാസമുണ്ട്. ആദ്യത്തേത് ശരിയായ ആചാരവിധിയോടെ നടത്തുന്ന ദാനത്തിന്റെ ഭാഗമായിരിക്കാം. രണ്ടാമത്തേത് മാലിന്യം സൃഷ്ടിക്കുന്ന പ്രവൃത്തിയാണ്.
വിശ്വാസം മനുഷ്യനെ കൂടുതൽ ഉത്തരവാദിത്വമുള്ളവനാക്കണം; പൊതുസ്ഥലങ്ങൾ മലിനമാക്കാൻ പ്രേരിപ്പിക്കരുത്. പമ്പാനദി അയ്യപ്പഭക്തരുടെ മാത്രം സ്വത്തല്ല, വരുംതലമുറകൾക്കും അവകാശപ്പെട്ട പ്രകൃതിസമ്പത്താണ്. അതിനെ സംരക്ഷിക്കുക ഓരോ അയ്യപ്പഭക്തന്റെയും കടമയാണ്.
വസ്ത്രം ഉപേക്ഷിച്ചാൽ പുണ്യം ലഭിക്കില്ല; വസ്ത്രം അർഹനായ ഒരാൾക്ക് നൽകിയാൽ അത് ദാനമാകും. പമ്പയെ മലിനമാക്കാതെ മടങ്ങിയാൽ അതും അയ്യപ്പനോടുള്ള യഥാർഥ ഭക്തിയുടെ അടയാളമാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates