C-MET: തൃശൂരിൽ നിരവധി ഒഴിവുകൾ; ബിരുദം, ഡിപ്ലോമ യോഗ്യത, അഭിമുഖം 20,23 തീയതികളിൽ

കേന്ദ്ര സർക്കാരിന് കീഴിലുള്ള സെന്റർ ഫോർ മെറ്റീരിയൽസ് ഫോർ ഇലക്ട്രോണിക്സ് ടെക്നോളജി (C-MET), തൃശൂരിൽ വിവിധ തസ്തികകളിലേക്ക് നിയമനത്തിന് അപേക്ഷ ക്ഷണിച്ചു. പ്രോജക്ട് അസോസിയേറ്റ്-I, പ്രോജക്ട് അസിസ്റ്റന്റ്-I എന്നീ തസ്തികകളിലായി ആകെ അഞ്ച് ഒഴിവുകളാണുള്ളത്. യോഗ്യരായ ഉദ്യോഗാർഥികൾക്ക് അഭിമുഖത്തിൽ നേരിട്ട് പങ്കെടുക്കാം.

ഒഴിവുകളും യോഗ്യതയും

1. പ്രോജക്ട് അസോസിയേറ്റ്-I

• ഒഴിവുകൾ: 3

• യോഗ്യത: ഫിസിക്സ്, മെറ്റീരിയൽസ് സയൻസ് അല്ലെങ്കിൽ നാനോസയൻസ് വിഷയങ്ങളിൽ ഒന്നാം ക്ലാസ് അല്ലെങ്കിൽ കുറഞ്ഞത് 60 ശതമാനം മാർക്കോടെ ബിരുദ യോഗ്യത.

• പ്രായപരിധി: 2026 ഒക്ടോബർ 31ന് ജനറൽ വിഭാഗത്തിന് 28 വയസ്സ്, എസ്‌സി/എസ്ടി വിഭാഗങ്ങൾക്ക് 33 വയസ്സ്, ഒബിസി (നോൺ-ക്രീമി ലെയർ) വിഭാഗത്തിന് 31 വയസ്സ്

• ശമ്പളം: പ്രതിമാസം 30,000 രൂപയും എച്ച്ആർഎയും

• അഭിമുഖ തീയതി: 2026 നവംബർ 20

2. പ്രോജക്ട് അസിസ്റ്റന്റ്-I

• ഒഴിവുകൾ: 2

• യോഗ്യത: ഇലക്ട്രിക്കൽ അല്ലെങ്കിൽ മെക്കാനിക്കൽ എഞ്ചിനീയറിങ്ങിൽ മൂന്ന് വർഷത്തെ ഡിപ്ലോമ, ഒന്നാം ക്ലാസ് അല്ലെങ്കിൽ കുറഞ്ഞത് 60 ശതമാനം മാർക്ക്

• പ്രായപരിധി: 2026 ഒക്ടോബർ 31ന് ജനറൽ വിഭാഗത്തിന് 28 വയസ്സ്, എസ്‌സി/എസ്ടി വിഭാഗങ്ങൾക്ക് 33 വയസ്സ്, ഒബിസി (നോൺ-ക്രീമി ലെയർ) വിഭാഗത്തിന് 31 വയസ്സ്

• ശമ്പളം: പ്രതിമാസം 18,000 രൂപയും എച്ച്ആർഎയും. ശമ്പളം പരിഷ്കരിക്കാൻ സാധ്യതയുണ്ട്.

• അഭിമുഖ തീയതി: 2026 നവംബർ 23

കരിയർ വാർത്തകൾ ഉടൻ അറിയാൻ വാട്സാപ്പ് ഗ്രൂപ്പിൽ അംഗമാകൂ. ഇവിടെ ക്ലിക്ക് ചെയ്യുക https://chat.whatsapp.com/GQ0abkJF05lAfNnGmbVxsA

രണ്ട് തസ്തികകളും താൽക്കാലികവും പ്രോജക്ട് അടിസ്ഥാനത്തിലുള്ളതുമാണ്. തിരഞ്ഞെടുക്കപ്പെടുന്നവർ സർക്കാർ സിവിൽ സർജൻ റാങ്കിൽ താഴെയല്ലാത്ത ഡോക്ടറിൽ നിന്നുള്ള മെഡിക്കൽ ഫിറ്റ്നസ് സർട്ടിഫിക്കറ്റും രണ്ട് ഗസറ്റഡ് ഓഫീസർമാരിൽ നിന്നുള്ള സ്വഭാവ സർട്ടിഫിക്കറ്റുകളും ഹാജരാക്കണം.

അഭിമുഖം നടക്കുന്ന സ്ഥലം : സെന്റർ ഫോർ മെറ്റീരിയൽസ് ഫോർ ഇലക്ട്രോണിക്സ് ടെക്നോളജി (C-MET), അതാനി പി.ഒ., എം.ജി. കാവ്, തൃശൂർ, കേരളം – 680581.

കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക.

https://cmet.gov.in/sites/default/files/jobs/walk-in-interview-advt10112026.pdf