കാലിക്കറ്റ് സർവകലാശാല: എം.ബി.എ കോഴ്സിന് അപേക്ഷ ക്ഷണിച്ചു

കുറ്റിപ്പുറത്തുള്ള കാലിക്കറ്റ് സർവകലാശാലാ സ്കൂൾ ഓഫ് മാനേജ്മെന്റ് സ്റ്റഡീസിൽ (എസ്.എം.എസ്.) 2025 - 26 അധ്യയന വർഷത്തെ എം.ബി.എ. പ്രോഗ്രാമിന് ഓപ്പൺ വിഭാഗത്തിലും എസ്.സി- എസ്.ടി., ഇ.ഡബ്ല്യൂ.എസ്, ഒ,ബി.സി. സ്പോർട്സ്, ഭിന്നശേഷി, ലക്ഷ്വദീപ് എന്നീ സംവരണ വിഭാഗങ്ങളിലും സീറ്റൊഴിവുണ്ട്.

KMAT / CMAT / CAT എന്നീ യോഗ്യതയില്ലാത്തവർക്കും ബിരുദ മാർക്കിന്റെ അടിസ്ഥാനത്തിൽ അപേക്ഷിക്കാം. അപേക്ഷ സമർപ്പിക്കുന്നതിനുള്ള സൗകര്യം പ്രവേശന വിഭാഗം ( https://admission.uoc.ac.in/ ) വെബ്‌സൈറ്റിൽ ലഭ്യമാണ്.

താത്പര്യമുള്ളവർ അപേക്ഷാ ഫോം, അസൽ സർട്ടിഫിക്കറ്റുകൾ എന്നിവ സഹിതം ആഗസ്റ്റ് 22-ന് ഉച്ചക്ക് 12 മണിക്ക് മുൻപായി സെന്ററിൽ ഹാജരാകണം. സംവരണ സീറ്റിൽ അപേക്ഷകരില്ലാത്തപക്ഷം പ്രസ്തുത സീറ്റുകൾ പരിവർത്തനം ചെയ്ത് പ്രവേശനം നേടാം. ഫോൺ : 0494 2607224, 9562065960.