യുഎഇ ആസ്ഥാനമായുള്ള പ്രമുഖ വിമാനക്കമ്പനിയായ എമിറേറ്റ്സ് ഗ്രൂപ്പ് മെഡിക്കൽ സർവീസസ് വിഭാഗത്തിൽ നഴ്സിങ് ക്ലിനിക്കൽ ലീഡ് (Nursing Clinical Lead) തസ്തികയിൽ നിയമനം നടത്തുന്നു. ഒഴിവുകളുടെ എണ്ണം കമ്പനി വ്യക്തമാക്കിയിട്ടില്ല. നഴ്സിങ് മേഖലയിൽ പ്രവർത്തി പരിചയം ഉള്ളവർക്ക് അപേക്ഷിക്കാം. കമ്പനിയുടെ ഔദ്യോഗിക വെബ്സൈറ്റ് വഴിയാണ് അപേക്ഷകൾ സമർപ്പിക്കേണ്ടത്. അവസാന തീയതി ജൂലൈ 24.
ക്ലിനിക്കൽ, മെഡിക്കൽ അല്ലെങ്കിൽ സേഫ്റ്റി സംബന്ധമായ മേഖലയിൽ കുറഞ്ഞത് 8 വർഷത്തെ നഴ്സിങ് പ്രവൃത്തിപരിചയം ഉണ്ടായിരിക്കണം.
ദുബൈ ഹെൽത്ത് അതോറിറ്റിയിൽ (DHA) രജിസ്റ്റേഡ് നഴ്സായി രജിസ്റ്റർ ചെയ്യാൻ അർഹതയുള്ളവർക്കും നിലവിൽ ലൈസൻസ് ഉള്ളവർക്കും അപേക്ഷിക്കാം.
സ്വതന്ത്രമായി ജോലി ചെയ്യാനുള്ള കഴിവ് ഉണ്ടായിരിക്കണം.
എമിറേറ്റ്സ് ഗ്രൂപ്പ് മെഡിക്കൽ സർവീസസിന് (EGMS) കീഴിലുള്ള ടെലിമെഡിസിൻ നഴ്സിങ് സേവനങ്ങളുടെ പൂർണ്ണമായ മേൽനോട്ടവും നടത്തിപ്പും നിർവ്വഹിക്കുക.
രോഗികളെ ഫോണിലൂടെയോ ഓൺലൈനായോ പരിശോധിച്ച് തരം തിരിക്കുന്നതിനുള്ള (Triaging) അന്താരാഷ്ട്ര നിയമങ്ങളും ടെലിമെഡിസിൻ പ്രോട്ടോക്കോളുകളും തയ്യാറാക്കുകയും നടപ്പിലാക്കുകയും ചെയ്യുക.
അന്താരാഷ്ട്ര നിലവാരമനുസരിച്ച് രോഗികളുടെ അവസ്ഥ കൃത്യമായി മനസ്സിലാക്കി (Triage), അവർക്ക് ആവശ്യമായ വിദഗ്ദ്ധ ചികിത്സ ഉറപ്പാക്കുകയോ ശരിയായ ഡോക്ടർമാരിലേക്ക് റഫർ ചെയ്യുകയോ ചെയ്യുക.
ടെലിമെഡിസിൻ വിഭാഗത്തിൽ ജോലി ചെയ്യുന്ന മറ്റ് നഴ്സുമാർക്ക് ആവശ്യമായ നിർദ്ദേശങ്ങളും മേൽനോട്ടവും നൽകി, രോഗീ പരിചരണത്തിന്റെ നിലവാരം ഉറപ്പാക്കുക.
ടെലിമെഡിസിൻ ആപ്പുകളും പ്ലാറ്റ്ഫോമുകളും സുരക്ഷിതവും എളുപ്പത്തിൽ ഉപയോഗിക്കാവുന്നതുമാണെന്ന് ഉറപ്പാക്കാൻ ടെക്നിക്കൽ ടീമുമായി ചേർന്ന് പ്രവർത്തിക്കുക.
ഓൺലൈൻ കൺസൾട്ടേഷനുകളിലെ അപകടസാധ്യതകൾ കുറയ്ക്കുന്നതിനും മെഡിക്കൽ നിയമങ്ങൾ കൃത്യമായി പാലിക്കുന്നതിനും ആവശ്യമായ നിർദ്ദേശങ്ങൾ നൽകുക.
സാങ്കേതികവിദ്യയുടെ ഉപയോഗം, രോഗികളുടെ വിവരങ്ങളുടെ രഹസ്യാത്മകത (Privacy), ഓൺലൈൻ ആശയവിനിമയ രീതികൾ എന്നിവയിൽ നഴ്സുമാർക്ക് ആവശ്യമായ പരിശീലനം നൽകുക.
ടെലിമെഡിസിൻ സേവനങ്ങളുടെ ഗുണനിലവാരം കൃത്യമായി വിലയിരുത്തുകയും (KPIs), ഇതിന്റെ റിപ്പോർട്ടുകൾ തയ്യാറാക്കുകയും ചെയ്യുക.
മെഡിക്കൽ സർവീസിന്റെ നയങ്ങളും അത്യാധുനിക നഴ്സിങ് രീതികളും ടെലിമെഡിസിൻ സേവനങ്ങളിൽ കൃത്യമായി പാലിക്കപ്പെടുന്നുണ്ടെന്ന് ഉറപ്പാക്കുക.
പ്രൈമറി കെയർ നഴ്സിങ് (Primary Care Practice Nursing), ഏവിയേഷൻ മെഡിസിൻ (Aviation Medicine) എന്നിവയിലെ പുതിയ രീതികൾ പഠിച്ചെടുക്കാനുള്ള താല്പര്യം ഉണ്ടായിരിക്കണം.
കുട്ടികളായ രോഗികളെ ശുശ്രൂഷിച്ച മുൻപരിചയം ഉണ്ടെങ്കിൽ അത് നിങ്ങൾക്ക് കൂടുതൽ മുൻഗണന നൽകും.ഇത് നിർബന്ധമല്ല.
തെരഞ്ഞെടുക്കപ്പെടുന്നവർക്ക് പ്രതിമാസം ഏകദേശം AED 9,000 മുതൽ AED 14,000 വരെ (ഏകദേശം ₹2 ലക്ഷം മുതൽ ₹3.15 ലക്ഷം വരെ) ശമ്പളം ലഭിച്ചേക്കും. ഇതിനുപുറമെ ടാക്സ് ഫ്രീ ശമ്പളം, എമിറേറ്റ്സ് വിമാനങ്ങളിൽ യാത്രാ ആനുകൂല്യങ്ങൾ, ഹോട്ടൽ ഡിസ്കൗണ്ടുകൾ, താമസ-ഗതാഗത ആനുകൂല്യങ്ങൾ, ആരോഗ്യ ഇൻഷുറൻസ്, ലൈഫ് ഇൻഷുറൻസ്, വാർഷിക അവധി, ലീവ് ട്രാവൽ ആനുകൂല്യങ്ങൾ എന്നിവയും ലഭിക്കും.
കൂടുതൽ വിവരങ്ങൾക്കും അപേക്ഷ സമർപ്പിക്കാനും ഔദ്യോഗിക വെബ്സൈറ്റ് സന്ദർശിക്കുക.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
