എക്സിം ബാങ്കിൽ മാനേജ്മെന്റ് ട്രെയിനി ആകാം, ട്രെയിനിങ് കഴിഞ്ഞാൽ ഡെപ്യൂട്ടി മാനേജർ തസ്തികയിൽ നിയമനം, ഫെബ്രുവരി 15 വരെ ഓൺലൈനായി അപേക്ഷിക്കാം

എക്സ്പോർട്ട് ഇംപോർട്ട് ബാങ്ക് ഓഫ് ഇന്ത്യ (Exim Bank-എക്സിം ബാങ്ക്)യിൽ മാനേജ്മെന്റ് ട്രെയിനി തസ്തികളിലെ ഒഴിവുകൾ നികത്തുന്നതിന് അപേക്ഷ ക്ഷണിച്ചു. ഒരു വർഷം നീണ്ടു നിൽക്കുന്ന ട്രെയിനിങ് വിജയകരമായി പൂർത്തിയാക്കുന്നവരെ ഡെപ്യൂട്ടി മാനേജർ തസ്തികയിൽ നിയമിക്കുമെന്ന്ഔദ്യോഗിക വിജ്ഞാപനത്തിൽ വ്യക്തമാക്കുന്നു.

യോഗ്യതയും താൽപ്പര്യവുമുള്ള ഉദ്യോഗാർത്ഥികൾ ഓൺലൈനായി അപേക്ഷ സമർപ്പിക്കണം. എക്സിം ബാങ്കി​ന്റെ ഔദ്യോഗിക വെബ്സൈറ്റ് ആയ www.eximbankindia.in വഴി വേണം അപേക്ഷ നൽകേണ്ടത്. അല്ലാതെയുള്ള അപേക്ഷകൾ പരിഗണിക്കുന്നതല്ല. ഫെബ്രുവരി 15 ആണ് അപേക്ഷ സമർപ്പിക്കാനുള്ള അവസാന തീയതി.

തസ്തിക, ശമ്പളം, പ്രായപരിധി യോഗ്യത എന്നിവ

തസ്തികയുടെ പേര് : മാനേജ്മെന്റ് ട്രെയിനി (ബാങ്കിങ് ഓപ്പറേഷൻസ്)

ഒഴിവുകളുടെ എണ്ണം: 40

ശമ്പളം പരിശീലന സമയത്ത് : പ്രതിമാസം 65,000 jth (പരിശീലന സമയത്ത്)

പരിശീലന കാലയളവ്: ഒരു വർഷം

പരിശീലന ശേഷം ഡെപ്യൂട്ടി മാനേജർ തസ്തികയിൽ നിയമനം ലഭിക്കുമ്പോൾ: 48,480 - 85,920 രൂപ ശമ്പള സ്കെയിലിൽ (ഇതിന് പുറമെ മറ്റ് ആനുകൂല്യങ്ങളും ലഭിക്കും)

പ്രായപരിധി: 21 മുതൽ 28 വയസ്സ് വരെ (ഡിസംബർ 31, 2025 അടിസ്ഥാനമാക്കി) അർഹതയുള്ളവർക്ക് മാനദണ്ഡപ്രകാരമുള്ള ഇളവുകൾ ലഭിക്കും.

യോഗ്യത

•ബിരുദത്തിൽ കുറഞ്ഞത് 60% മൊത്തം മാർക്ക് അല്ലെങ്കിൽ തത്തുല്യമായ സിജിപിഎ

•ഫിനാൻസ്/ഇന്റർനാഷണൽ ബിസിനസ്/ഫോറിൻ ട്രേഡ് എന്നിവയിൽ സ്പെഷ്യലൈസേഷനോടുകൂടിയ ബിരുദാനന്തര ബിരുദം (എംബിഎ/പിജിഡിബിഎ/പിജിഡിബിഎം/എംഎംഎസ്) അല്ലെങ്കിൽ ചാർട്ടേഡ് അക്കൗണ്ടന്റ് (സിഎ)

•ഫിനാൻസിൽ സ്പെഷ്യലൈസേഷനോടുകൂടിയ കുറഞ്ഞത് 60% മൊത്തം മാർക്കോടെ തത്തുല്യമായ സിജിപിഎയോ ബിരുദാനന്തര ബിരുദ കോഴ്‌സ് പാസായിരിക്കണം.

•സിഎയ്ക്ക്, പ്രൊഫഷണൽ പരീക്ഷ പാസായാൽ മതി. ഐസിഎഐ അംഗത്വം നിർബന്ധമാണ്.

•2026 ജനുവരിയിൽ ബിരുദാനന്തര ബിരുദത്തിലോ ചാർട്ടേഡ് അക്കൗണ്ടൻസിയിലോ അവസാന പരീക്ഷ എഴുതുകയും 2026 ൽ ഫലം പ്രതീക്ഷിക്കുകയും ചെയ്യുന്നവർക്കും അപേക്ഷിക്കാം

•യോഗ്യത നേടിയിട്ടുള്ള സർവകലാശാല/ഇൻസ്റ്റിറ്റ്യൂട്ട് എന്നിവ സർക്കാർ/എഐസിടിഇ/യുജിസി അംഗീകരിച്ചത് ആയിരിക്കണം

പരിഗണിക്കാത്ത കോഴ്സുകൾ

കറസ്പോണ്ടൻസ്/പാർട്ട് ടൈം/ഓപ്പൺ യൂണിവേഴ്സിറ്റി/ഓപ്പൺ ലേണിങ്/എക്സ്റ്റേണൽ/ഡിസ്റ്റൻസ് ലേണിങ് വഴി ബിരുദവും ബിരുദാനന്തര ബിരുദവും പൂർത്തിയാക്കിയ ഉദ്യോഗാർത്ഥികൾക്ക് ഈ തസ്തിയിൽ അപേക്ഷിക്കാൻ യോഗ്യതയില്ല.

അപേക്ഷിക്കാനുള്ള അവസാന തീയതി: ഫെബ്രുവരി 15

വിശദവിവരങ്ങൾക്ക് വിജ്ഞാപനം വായിക്കാൻ ഇവിടെ ക്ലിക്ക് ചെയ്യുക

ഓൺലൈൻ അപേക്ഷ സമർപ്പിക്കാനുള്ള ലിങ്കിന് ഇവിടെ ക്ലിക്ക് ചെയ്യുക

ഔദ്യോഗിക വെബ്സൈറ്റ്: www.eximbankindia.in