കേരള ചലച്ചിത്ര അക്കാദമി: ഡെപ്യൂട്ടി ഡയറക്ടർ ഒഴിവിലേക്ക് അപേക്ഷിക്കാം !

കേരള സംസ്ഥാന ചലച്ചിത്ര അക്കാദമിയിൽ ഡെപ്യൂട്ടി ഡയറക്ടർ (ഫെസ്റ്റിവൽ) തസ്തികയിൽ കരാർ അടിസ്ഥാനത്തിൽ നിയമനം. ഒരു ഒഴിവാണുള്ളത്. യോഗ്യരായ ഉദ്യോഗാർഥികൾക്ക് അപേക്ഷിക്കാം. അപേക്ഷകൾ സമർപ്പിക്കേണ്ട അവസാന തീയതി സെപ്റ്റംബർ 10.

യോഗ്യത: MCJ, ഫിലിം മേക്കിംഗ്, ഫിലിം സ്റ്റഡീസ് അല്ലെങ്കിൽ തത്തുല്യ ബിരുദം. ചലച്ചിത്ര മേളകൾ സംഘടിപ്പിക്കുന്നതിൽ കുറഞ്ഞത് അഞ്ച് വർഷത്തെ പ്രവൃത്തിപരിചയം ഉണ്ടായിരിക്കണം.

പ്രായപരിധി: 2026 ജനുവരി ഒന്നിന് 50 വയസ്സ് കവിയരുത്. സംവരണ വിഭാഗങ്ങൾക്ക് സർക്കാർ മാനദണ്ഡപ്രകാരമുള്ള പ്രായ ഇളവ് ലഭിക്കും.

ശമ്പളം: പ്രതിമാസം 48,550 രൂപ

എങ്ങനെ അപേക്ഷിക്കാം?

താൽപര്യമുള്ള ഉദ്യോഗാർഥികൾ വിശദമായ ബയോഡാറ്റ, സമീപകാല ഫോട്ടോ, സർട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകർപ്പുകൾ എന്നിവ സഹിതം cifra@chalachitraacademy.org എന്ന ഇമെയിൽ വിലാസത്തിലേക്ക് അപേക്ഷ അയയ്ക്കണം.

അപേക്ഷിക്കേണ്ട അവസാന തീയതി: സെപ്റ്റംബർ 10, 2026.

കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക.

https://keralafilm.com/inviting-applications-for-the-posts-of-of-deputy-director-festival/