കേന്ദ്ര പൊതുമേഖലാ സ്ഥാപനമായ റെയിൽ ഇന്ത്യ ടെക്നിക്കൽ ആൻഡ് ഇക്കണോമിക് സർവീസ് ( റൈറ്റ്സ്- RITES) ഹ്യൂമൻ റിസോഴ്സ് വിഭാഗത്തിലെ ഒഴിവുകൾ നികത്തുന്നതിന് അപേക്ഷ ക്ഷണിച്ചു. ഏതെങ്കിലും വിഷയത്തിൽ ബിരുദമുള്ളവർക്ക് അപേക്ഷിക്കാം. എച്ച് ആർ വിഭാഗത്തിൽ അസിസ്റ്റന്റ് തസ്തികയിൽ ആണ് ഒഴിവുകളുള്ളത്.
റെയിൽവേ മന്ത്രാലയത്തിന് കീഴിലുള്ള നവരത്ന, ഷെഡ്യൂൾ 'എ' വിഭാഗത്തിൽപെടുന്ന കേന്ദ്ര പൊതുമേഖലാ സ്ഥാപനമാണ് റെയിൽ ഇന്ത്യ ടെക്നിക്കൽ ആൻഡ് ഇക്കണോമിക് സർവീസ് (റൈറ്റ്സ്).51 വർഷത്തെ പാരമ്പര്യമുള്ള റൈറ്റ്സ് ഇന്ന് ഏറെ പ്രശസ്തമായ മൾട്ടിഡിസ്പ്ലിനറി എൻജിനീയറിങ് കമ്പനികളിലൊന്നാണ്.
രാജ്യത്തെ 14 കേന്ദ്രങ്ങളിൽ നടത്തുന്ന എഴുത്തുപരീക്ഷ അടിസ്ഥാനമാക്കിയായിരിക്കും നിയമനം. കേരളത്തിൽ തിരുവനന്തപുരം പരീക്ഷകേന്ദ്രമാണ്. യോഗ്യതയും താൽപ്പര്യവുമുള്ള ഉദ്യോഗാർത്ഥികൾക്ക് ഏപ്രിൽ 27 വരെ ഓൺലൈനായി അപേക്ഷ സമർപ്പിക്കാം.
തസ്തികയുടെ പേര് :അസിസ്റ്റന്റ് (എച്ച്ആർ)
ശമ്പളം: 20,000-66,000 രൂപ
യോഗ്യത: ഏതെങ്കിലും വിഷയത്തിൽ ബിരുദം
ഉയർന്ന പ്രായപരിധി : 30 വയസ്സ്
ഒഴിവുകളുടെ എണ്ണം :15
നിയമന രീതി: സ്ഥിരം നിയമനം
ജനറൽ/ഒബിസി ഉദ്യോഗാർത്ഥികൾക്ക് 300 രൂപയും ബാധകമായ നികുതികളും
ഇഡബ്ല്യുഎസ്/എസ്സി/എസ്ടി/പിഡബ്ല്യുഡി ഉദ്യോഗാർത്ഥികൾക്ക് 100 രൂപയും ബാധകമായ നികുതികളും
ഓൺലൈൻ അപേക്ഷ സമർപ്പിക്കുന്നതിനും ഫീസ് അടയ്ക്കുന്നതിനുമുള്ള അവസാന തീയതി : ഏപ്രിൽ 27
അപേക്ഷ സമർപ്പിക്കാനുള്ള ലിങ്ക് ഇവിടെ കാണാം
എഴുത്തുപരീക്ഷ
മെഡിക്കൽ പരീക്ഷ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
