ഐ.ടി.ഐകളിൽ ഗസ്റ്റ് ഇൻസ്ട്രക്ടർ ഒഴിവ്; ബിരുദധാരികൾക്ക് അവസരം,അഭിമുഖത്തിലൂടെ നിയമനം

പട്ടികജാതി വികസന വകുപ്പിന്റെ അധീനതയിലുള്ള ദക്ഷിണമേഖല ട്രെയിനിംഗ് ഇൻസ്പെക്ടറുടെ നിയന്ത്രണത്തിലുള്ള ഐ.ടി.ഐ കളിൽ ഗസ്റ്റ് ഇൻസ്ട്രക്ടർമാരെ നിയമിക്കുന്നു. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം ജില്ലകളിലെ ഐ.ടി.ഐകളിൽ ആണ് ഒഴിവുകൾ ഉള്ളത്. 'എംപ്ലോയബിലിറ്റി സ്‌കിൽസ്' വിഷയം പഠിപ്പിക്കുന്നതിന് ആണ് നിയമനം.

യോഗ്യത: ബി.ബി.എ, എം.ബി.എ അല്ലെങ്കിൽ ഏതെങ്കിലും വിഷയത്തിലുള്ള ബിരുദം. കൂടാതെ ഇംഗ്ലീഷിൽ മികച്ച ആശയവിനിമയ ശേഷിയും പ്ലസ് ടു/ഡിപ്ലോമ തലത്തിലുള്ള അടിസ്ഥാന കംപ്യുട്ടർ പരിജ്ഞാനവും ഉണ്ടായിരിക്കണം

അഭിമുഖം ജൂലൈ 22ന് രാവിലെ 11 മണിക്ക് തിരുവനന്തപുരം വെള്ളയമ്പലത്തെ അയ്യൻകാളി ഭവനിൽ പ്രവർത്തിക്കുന്ന ദക്ഷിണമേഖല ട്രെയിനിംഗ് ഇൻസ്പെക്ടർ ഓഫീസിൽ നടക്കും. താൽപര്യമുള്ള ഉദ്യോഗാർത്ഥികൾ ബയോഡാറ്റ, വിദ്യാഭ്യാസ യോഗ്യത തെളിയിക്കുന്ന സർട്ടിഫിക്കറ്റുകളുടെ അസലും പകർപ്പും സഹിതം നേരിട്ട് അഭിമുഖത്തിൽ പങ്കെടുക്കണം. അഭിമുഖത്തിന് മുമ്പ് പേര് രജിസ്റ്റർ ചെയ്യേണ്ടതാണ്.

കൂടുതൽ വിവരങ്ങൾക്ക്: 0471-2316680.

കരിയർ വാർത്തകൾ ഉടൻ അറിയാൻ വാട്സാപ്പ് ഗ്രൂപ്പിൽ അംഗമാകൂ.

ഇവിടെ ക്ലിക്ക്  ചെയ്യുക