മിൽമയിൽ സ്ഥിരനിയമനം നേടാം, ബിരുദം മതി; ശമ്പളം 29,490 രൂപ മുതൽ

മിൽമയിൽ ലബോറട്ടറി അസിസ്റ്റന്റ് തസ്തികയിലേക്ക് നിയമനത്തിന് കേരള പബ്ലിക് സർവീസ് കമ്മീഷൻ അപേക്ഷ ക്ഷണിച്ചു. ഡെയറി/സി.എഫ്.പി. വിഭാഗത്തിലാണ് ഒഴിവ്. ആകെ ഒരു ഒഴിവാണുള്ളത്. കെമിസ്ട്രി, ബയോകെമിസ്ട്രി, ബയോടെക്നോളജി, മൈക്രോബയോളജി എന്നിവയിൽ ഏതെങ്കിലും വിഷയത്തിൽ ബി.എസ്‌സി. ബിരുദമുള്ളവർക്ക് അപേക്ഷിക്കാം. താൽപര്യമുള്ള ഉദ്യോഗാർഥികൾക്ക് കേരള പി.എസ്.സി.യുടെ ഔദ്യോഗിക വെബ്സൈറ്റ് വഴി അപേക്ഷ സമർപ്പിക്കാം.

പ്രധാന വിവരങ്ങൾ

• സ്ഥാപനം: കേരള കോ-ഓപ്പറേറ്റീവ് മിൽക്ക് മാർക്കറ്റിംഗ് ഫെഡറേഷൻ ലിമിറ്റഡ് (മിൽമ)

• തസ്തിക: ലബോറട്ടറി അസിസ്റ്റന്റ് (ഡെയറി/സി.എഫ്.പി.)

• ഒഴിവുകളുടെ എണ്ണം: 1

• നിയമനരീതി: നേരിട്ടുള്ള നിയമനം

• ശമ്പളം: ₹29,490–85,160

• അപേക്ഷിക്കേണ്ട അവസാന തീയതി: 2026 ഡിസംബർ 2

പ്രായപരിധി

18 മുതൽ 44 വയസ്സ് വരെയാണ് പ്രായപരിധി. ഉദ്യോഗാർഥികൾ 1982 ജനുവരി 2-നും 2008 ജനുവരി 1-നും ഇടയിൽ ജനിച്ചവരായിരിക്കണം. മറ്റ് പിന്നാക്ക വിഭാഗങ്ങൾക്കും പട്ടികജാതി, പട്ടികവർഗ വിഭാഗങ്ങൾക്കും നിയമാനുസൃതമായ വയസ്സിളവ് ലഭിക്കും.

വിദ്യാഭ്യാസ യോഗ്യത

അംഗീകൃത സർവകലാശാലയിൽ നിന്ന് താഴെപ്പറയുന്ന വിഷയങ്ങളിൽ ഏതെങ്കിലും ഒന്നിൽ ബി.എസ്‌സി. ബിരുദം നേടിയിരിക്കണം.

• കെമിസ്ട്രി

• ബയോകെമിസ്ട്രി

• ബയോടെക്നോളജി

• മൈക്രോബയോളജി

എങ്ങനെ അപേക്ഷിക്കാം?

കേരള പി.എസ്.സി.യുടെ ഔദ്യോഗിക വെബ്സൈറ്റായ www.keralapsc.gov.in വഴി അപേക്ഷ സമർപ്പിക്കാം. അപേക്ഷിക്കുന്നതിന് മുമ്പ് വിജ്ഞാപനത്തിലെ പൊതുവ്യവസ്ഥകളും യോഗ്യതാ മാനദണ്ഡങ്ങളും ശ്രദ്ധാപൂർവം പരിശോധിക്കണം.

അപേക്ഷ സ്വീകരിക്കുന്ന അവസാന തീയതി: 2026 ഡിസംബർ 2, ബുധനാഴ്ച അർധരാത്രി വരെ.