ന്യൂഡല്‍ഹി: കൂറ്റന്‍ കണ്ടയ്‌നര്‍ ട്രക്ക് ഓട്ടോറിക്ഷയ്ക്കു മുകളില്‍ മറിഞ്ഞുവീണ് ഓട്ടോ യാത്രക്കാരായ നാലു പേര്‍ മരിച്ചു. അപകടത്തില്‍ ഓട്ടോ പൂര്‍ണമായും തകര്‍ന്നു.
ട്രക്കില്‍ 35 ടണ്ണില്‍ ഏറെ ഭാരമുണ്ടായിരുന്നുവെന്ന് പൊലീസ് പറഞ്ഞു. അരി കയറ്റിയ ട്രക്ക് സോനിപ്പേട്ടില്‍നിന്നു തുഗ്ലക്കാബാദിലേക്കു പോവുകയായിരുന്നു. ഇന്ദിരാഗാന്ധി സ്‌റ്റേഡിയത്തിനു മുന്നില്‍ വച്ച് രാവിലെ അഞ്ചരയോടെയാണ് അപകടം.
ട്രക്ക് കണ്ടയ്‌നര്‍ ഉള്‍പ്പെടെ മറിഞ്ഞ് ഓട്ടോയ്ക്കു മുകളില്‍ വീഴുകയായിരുന്നു. പാടേ തകര്‍ന്ന ഓട്ടോയില്‍നിന്ന് മൃതദേഹങ്ങള്‍ പുറത്തെടുക്കാന്‍ ബുദ്ധിമുട്ടി. സംഭവ സ്ഥലത്തു തന്നെ നാലു പേരും മരിച്ചു. ഇതില്‍ രണ്ടു പേരെ തിരിച്ചറിഞ്ഞിട്ടുണ്ട്.
ട്രക്കിന്റെ ഡ്രൈവറും സഹായിയും ഒളിവിലാണ്. ഉടമയ്‌ക്കെതിരെ പൊലീസ് കേസെടുത്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
