കൊച്ചി: കനത്ത മഴയിൽ മണ്ണിടിഞ്ഞ് എറണാകുളം കളമശേരിയിൽ ഒരാൾ മരിച്ചു. ഇന്ന് രാവിലെ ഒൻപതോടെയാണ് അപകടമുണ്ടായത്. തിരുവനന്തപുരം സ്വദേശി തങ്കരാജാണ് (72) മരിച്ചത്.
നെയ്യാറ്റിൻകര ഉദിയൻ കുളങ്ങര സ്വദേശിയായ തങ്കരാജ് ലോറി ഡ്രൈവറാണ്. കണ്ടെയ്നർ റോഡിൽ വച്ചാണ് അപകടമുണ്ടായത്.
ലോറിയിൽ നിന്ന് തങ്കരാജ് പുറത്തിറങ്ങിയ സമയത്താണ് മണ്ണിടിഞ്ഞ് ദേഹത്ത് വീണത്. പിന്നാലെ മണ്ണിനടിയിൽ നിന്ന് പുറത്തെടുത്തെങ്കിലും അപ്പോഴേയ്ക്കും മരിച്ചിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ