'പ്രിയപ്പെട്ട ലാലിന്', പിറന്നാൾ ആശംസ കുറിച്ച് മമ്മൂ‍ട്ടി, ആഘോഷമാക്കി സിനിമാലോകം

മലയാളത്തിന്റെ പ്രിയതാരം മോഹൻലാലിന്റെ 62ാം പിറന്നാളാണ് ഇന്ന്. സിനിമാലോകത്തു നിന്ന് നിരവധി പേരാണ് താരത്തിന് പിറന്നാൾ ആശംസകൾ കുറിച്ചിരിക്കുന്നത്. ഇപ്പോൾ സോഷ്യൽ മീഡിയയിൽ വൈറലാവുന്നത്. നടൻ മമ്മൂട്ടിയുടെ പിറന്നാളാശംസ ആണ്. 

മോഹൻലാലിനൊപ്പമുള്ള ചിത്രം പങ്കുവച്ചുകൊണ്ടാണ് മമ്മൂട്ടിയുടെ ബർത്ത്ഡേ വിഷ്. പ്രിയപ്പെട്ട ലാലിന് ജന്മദിനാശംസകൾ എന്നാണ് മമ്മൂട്ടി കുറിച്ചത്. മോഹൻലാലിന് പിറന്നാൾ ആശംസകൾ അറിയിച്ച് നിരവധി ആരാധകരും പോസ്റ്റിന് താഴെ കമന്റ് ചെയ്തു. പൃഥ്വിരാജ്, മഞ്ജു വാര്യർ, ജ​യസൂര്യ തുടങ്ങിയ നിരവധി താരങ്ങളും ആശംസകളുമായി എത്തി. 

അതിനിടെ മോഹൻലാലിന്റെ പിറന്നാൾ ആഘോഷത്തിന്റെ വിഡിയോ സോഷ്യൽ മീഡിയയിൽ വൈറലാവുകയാണ്. ഭാര്യ സുചിത്ര, സുഹൃത്തും നിർമ്മാതാവുമായ ആന്റണി പെരുമ്പാവൂ‍ർ, മറ്റ് സുഹ‍ൃത്തുക്കൾ എന്നിവ‍ർക്കൊപ്പമാണ് മോഹൻലാൽ കേക്ക് മുറിച്ച് പിറന്നാൾ ആഘോഷിച്ചിരിക്കുന്നത്. 

ഈ വാര്‍ത്ത കൂടി വായിക്കാം 

3.6 കോടിയുടെ അത്യാഡംബരം; മെയ്ബ എസ്680 സ്വന്തമാക്കി കങ്കണ റണാവത്ത്, ബോളിവുഡിൽ ആദ്യം 

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ