ഭാര്യക്ക് കോവിഡ് സ്ഥിരീകരിച്ചു; വിജയകാന്തിന്റെ ആരോഗ്യനില തൃപ്തികരം

ചെന്നൈ: കോവിഡ് ബാധിച്ച തമിഴ് നടനും ഡിഎംഡികെ നേതാവുമായ വിജയകാന്തിന്റെ ആരോഗ്യനില തൃപ്തികരമെന്ന് ആശുപത്രി അധികൃതര്‍. അതേസമയം വിജയ്കാന്തിന്റെ ഭാര്യയ്ക്ക് കോവിഡ് സ്ഥിരീകരിച്ചു. തിങ്കളാഴ്ച നടത്തിയ പരിശോധനയിലാണ് ഭാര്യ വി പ്രേമലതയ്ക്ക് വൈറസ് ബാധ സ്ഥിരീകരിച്ചത്. ഇവരെ ആശുപത്രിയില്‍ പ്രവേശിപ്പിച്ചു.

പ്രേമലതയുടെ ആരോഗ്യനില തൃപ്തികരമാണെന്ന് വിജയ്കാന്ത് പറഞ്ഞു. പ്രാഥമിക പരിശോധനയ്ക്ക്് ശേഷം ആശുപത്രി വിടാനാകുമെന്നും വിജയ്കാന്ത് പറഞ്ഞു. 

സെപ്റ്റംബര്‍ 22 ന് രേഗം സ്ഥിരീകരിച്ച വിജയകാന്തിനെ ചെന്നൈ രാമപുരത്തെ മിയോട്ട് ആശുപത്രിയില്‍ പ്രവേശിപ്പിച്ചത്. ഏറെ നാളായി കരള്‍ സംബന്ധമായ അസുഖങ്ങളെ തുടര്‍ന്ന് ചികിത്സയിലാണ് നടന്‍.