ഡ്രൈവിങ് പരിശീലനത്തിനും ഇനി എ ഐ; ദുബൈ പുതിയ രീതി നടപ്പിലാക്കുന്നു

ദുബൈ: ഡ്രൈവിങ് പഠിക്കുന്നവർക്ക്​ പരിശീലനം നൽകാനും അവരുടെ പഠന പുരോഗതി വിലയിരുത്താനുമായി എ ഐ സംവിധാനമൊരുക്കി ദുബൈ. ‘തദ്​രീബ്​’ എന്ന പ്ലാറ്റ്​ഫോം വഴിയാണ് ഡിജിറ്റൽ സംവിധാനം നടപ്പാക്കുന്നത്. ഇതിലൂടെ രണ്ടര ലക്ഷത്തിലേറെ പേർക്ക്​ പരിശീലനം നല്കാൻ കഴിയുമെന്ന് ​ റോഡ്​ ട്രാൻസ്‌പോർട്ട് അതോറിറ്റി(ആർടി എ) അറിയിച്ചു.

ഇതുവഴി ഡ്രൈവർമാർക്ക് മികച്ച പരിശീലനം നൽകാനും ലൈസൻസുമായി ബന്ധപ്പെട്ട നടപടി ക്രമങ്ങളിൽ അധികൃതരെ സഹായിക്കാനും ഇതിലൂടെ സാധിക്കും. ഡ്രൈവർമാരുടെ മികവ് കൃത്യമായി വിലയിരുത്തുന്നതിലൂടെ റോഡ് അപകടങ്ങൾ കുറയ്ക്കാൻ കഴിയുമെന്നുമാണ് അധികൃതർ വിലയിരുത്തുന്നത്. ഇതിലൂടെ ഡ്രൈവിങ്​ പരിശീലന സ്ഥാപനങ്ങൾക്കും സർക്കാരിനും ചെലവുകൾ കുറയ്ക്കാൻ കഴിയും എന്നതും ഒരു പ്രത്യേകതയാണ്.