എ​യ​ർ ടാ​ക്സി പരീക്ഷണം വിജയം; അടുത്ത വർഷം ദുബൈയിൽ സർവീസ് തുടങ്ങും

ദുബൈ: പൈ​ല​റ്റു​ള്ള എ​യ​ർ ടാ​ക്സി സർവീസുകൾ അടുത്ത വർഷം ദുബൈയിൽ ആരംഭിക്കാനിരിക്കെ വിമാനത്തിന്റെ പരീക്ഷണ പറക്കൽ വിജയകരമായി പൂർത്തിയാക്കി. മ​ർ​ഗാ​മി​ൽ​നി​ന്ന്​ പ​റ​ന്നു​യ​ർ​ന്ന എയർ ടാ​ക്സി ആ​ൽ മ​ക്​​തൂം അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ല്‍​ സു​ര​ക്ഷി​ത​മാ​യി ലാൻഡ് ചെയ്തു.

ദു​ബൈ കി​രീ​ടാ​വ​കാ​ശി​യും ഉ​പ​പ്ര​ധാ​ന​മ​ന്ത്രി​യും പ്ര​തി​രോ​ധ മ​ന്ത്രി​യു​മാ​യ ശൈ​ഖ്​ ഹം​ദാ​ൻ ബി​ൻ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂം എ​ക്സ്​ അ​ക്കൗ​ണ്ടി​ലൂ​ടെ ഇതിന്റെ ചിത്രങ്ങളും പ​ങ്കു​വെ​ച്ചു.

യാത്രക്കാർക്ക് സുരക്ഷിതമായി അതിവേഗം ലക്ഷ്യ സ്ഥാനത്ത് എത്താൻ കഴിയും എന്നതാണ് എ​യ​ർ ടാ​ക്സിയുടെ പ്രധാന പ്രത്യേകത. പൂർണമായും ഇലക്ട്രിക് സംവിധാനത്തിൽ പ്രവർത്തിക്കുന്നതിനാൽ പരിസ്ഥിതി മലിനീകരണവും ഉണ്ടാകില്ല.

ആറ് പ്രൊപ്പല്ലറുകളും നാല് ബാറ്ററി പാക്കുകളും വിമാനങ്ങളിലുണ്ട്. വിമാനത്തിനു മണിക്കൂറിൽ 160 മുതൽ 320 കിലോമീറ്റർ വരെ വേഗതയിൽ സഞ്ചരിക്കും. പൈലറ്റിനൊപ്പം നാല് യാത്രക്കാർക്ക് സഞ്ചരിക്കാവുന്ന രീതിയിലാണ് വിമാനം നിർമ്മിച്ചിരിക്കുന്നത്.

ജ​ന​റ​ൽ സി​വി​ൽ ഏ​വി​യേ​ഷ​ൻ അ​തോ​റി​റ്റിയും,ദു​ബൈ സി​വി​ൽ ഏ​വി​യേ​ഷ​ൻ അ​തോ​റി​റ്റി എ​ന്നി​വ​യു​മാ​യി സ​ഹ​ക​രി​ച്ച്​ ആണ് എ​യ​ർ ടാ​ക്സിയുടെ പ്രവർത്തനം നിയന്ത്രിക്കുന്നത്.

ജോ​ബി ഏ​വി​യേ​ഷ​നാ​ണ്​ പ​രീ​ക്ഷ പ​റ​ക്ക​ൽ സം​ഘ​ടി​പ്പി​ച്ച​ത്. പരീക്ഷണ പറക്കൽ വിജയകരമായതോടെ അടുത്ത വർഷം മുതൽ എ​മി​റേ​റ്റി​ൽ എ​യ​ർ ടാ​ക്സി സ​ർ​വി​സ്​ ആരംഭിക്കാൻ ആണ് തീരുമാനം.