ചൂട് കൂടുന്നു; സംസ്കാര ചടങ്ങുകൾക്കും സമയം പ്രഖ്യാപിച്ച് യു എ ഇ

ദുബൈ: യു എ യിൽ ചൂട് വർധിക്കുന്ന സാഹചര്യത്തിൽ സംസ്കാര ചടങ്ങുകൾ നടത്തുന്നത് രാവിലെയോ അല്ലെങ്കിൽ വൈകുന്നേരമോ ആക്കണമെന്ന് അധികൃതർ അഭ്യർത്ഥിച്ചു. സൂര്യാഘാതം ഒഴിവാക്കാനും,ജനങ്ങളുടെ സുരക്ഷ ഉറപ്പാക്കാനുമായി ചടങ്ങുകളും,പ്രാർത്ഥനകളും രാവിലെ 9 മണി മുതൽ വൈകിട്ട് 5 വരെയുള്ള സമയങ്ങളിൽ നടത്തുന്നതിൽ നിന്ന് പിന്മാറണമെന്ന് ജനറൽ അതോറിറ്റി ഫോർ ഇസ്ലാമിക് അഫേഴ്‌സ് അറിയിച്ചു.

ജനങ്ങളുടെ സുരക്ഷയെ മുൻ നിർത്തിയാണ് ഈ തീരുമാനമെന്നും ഇതിന് സർക്കാരിന്റെ പിന്തുണയുണ്ടെന്നും അധികൃതർ വ്യക്തമാക്കി. ചൂടിൽ നിന്ന് ജനങ്ങൾക്ക് സംരക്ഷണം നൽകുന്നതിന്റെ ഭാഗമായി പൊതു ഇടങ്ങളും,പള്ളികളും കേന്ദ്രികരിച്ച് താത്കാലിക ഷെഡുകൾ നിർമ്മിച്ചിരുന്നു.

അതെ സമയം ക​ന​ത്ത ചൂട് തുടരുന്നതിനിടെ വ്യാ​ഴാ​ഴ്ച രാ​ജ്യ​ത്ത്​ ചി​ല​യി​ട​ങ്ങ​ളി​ൽ മ​ഴ​ ലഭിച്ചിരുന്നു. ഷാ​ർ​ജ​യി​ലും ഖോ​ർ​ഫ​ക്കാ​നി​ലു​മാ​ണ്​ ചെ​റി​യ രീതിയിൽ മ​ഴ പെയ്തത്. ചി​ല എ​മി​റേ​റ്റു​ക​ളി​ൽ പൊടിക്കാറ്റ് വീശിയതായും റിപ്പോർട്ടുകളുണ്ട്. പൊ​ടി​ക്കാ​റ്റ്​ വീശുന്നത് തുടരാനുള്ള സാ​ധ്യ​ത​ കണക്കിലെടുത്തു പു​റ​ത്തി​റ​ങ്ങി യാ​ത്ര ചെ​യ്യു​ന്ന​വ​രും ഡ്രൈ​വ​ർ​മാ​രും ജാ​ഗ്ര​ത പാ​ലി​ക്ക​ണ​മെ​ന്ന്​ അ​ധി​കൃ​ത​ർ നിർദേശം നൽകി.

തൊഴിലാളികളുടെ ആരോഗ്യവും തൊഴിൽ അന്തരീക്ഷവുമൊക്കെ തണുപ്പിക്കാൻ വിവിധ പദ്ധതികളാണ് യു എ ഇ സർക്കാർ ആവിഷ്കരിച്ചിരിക്കുന്നത്. ഇതിന്റെ ഭാഗമായി സൂര്യ പ്രകാശം നേരിട്ട് ഏൽക്കുന്ന തരത്തിലുള്ള പുറം ജോലികൾ ചെയ്യുന്ന തൊഴിലാളികൾക്ക് ഉച്ചക്ക് 12:30 മുതൽ 3:00 മണി വരെ ഉച്ച വിശ്രമം അനുവദിച്ചിരുന്നു.