ഓടിക്കൊണ്ടിരിക്കെ ഓട്ടോറിക്ഷ പൊട്ടിത്തെറിച്ചു; ഡ്രൈവർക്കും യാത്രക്കാരനും ​ഗുരുതരമായി പൊള്ളലേറ്റു; ജാ​ഗ്രതാ നിർദ്ദേശം

ബം​ഗളൂരു: കർണാടകയിലെ മം​ഗളൂരുവിൽ ഒടിക്കൊണ്ടിരിക്കെ ഓട്ടോറിക്ഷ പൊട്ടിത്തെറിച്ചു. മം​ഗളൂരുവിലെ കൻകനഡി പ്രദേശത്താണ് പൊട്ടിത്തെറിയുണ്ടായത്. സംഭവത്തിൽ ഓട്ടോ ഡ്രൈവർക്കും വണ്ടിയിലുണ്ടായിരുന്ന യാത്രക്കാരനും ​ഗുരുതരമായി പൊള്ളലേറ്റു. സ്ഫോടനത്തിന്റെ കാരണം സംബന്ധിച്ച് ഇതുവരെ നി​ഗമനങ്ങളൊന്നുമില്ലെന്നും സിസിടിവി ദൃശ്യങ്ങളടക്കം പരിശോധിക്കുകയാണെന്നും പൊലീസ് വ്യക്തമാക്കി. 

ഇന്ന് വൈകീട്ട് അഞ്ച് മണിയോടെയാണ് സ്ഫോടനമുണ്ടായത്. ഓട്ടോറിക്ഷ മുന്നിൽ പോകുകയായിരുന്ന ബസിനെ മറികടക്കാൻ ശ്രമിക്കുന്നതിന് തൊട്ടുമുൻപാണ് പൊട്ടിത്തെറിച്ചത്. സ്ഫോടനത്തിന് തൊട്ടുമുൻപ് ഓട്ടോയിൽ നിന്ന് തീ ഉയർന്നതായി ചിലർ പറയുന്നുണ്ട്. 

മംഗളൂരു സിറ്റി പോലീസ് സ്ഥലത്തെത്തി കൂടുതൽ സുരക്ഷാ സേനയെ വിന്യസിച്ചു. നഗരം അതീവ ജാഗ്രതയിലാണ്. അതേസമയം, ആശങ്കപ്പെടേണ്ട കാര്യമില്ലെന്നും പൊതുജനങ്ങൾ പരിഭ്രാന്തരാകരുതെന്നും മംഗളൂരു പൊലീസ് കമ്മീഷണർ വ്യക്തമാക്കി. കിംവദന്തികൾ പ്രചരിപ്പിക്കരുതെന്നും പൊലീസ് അറിയിച്ചു. 

ഈ വാർത്ത കൂടി വായിക്കൂ

ജില്ലാ ആശുപത്രി ഐസിയുവിൽ രോ​ഗികൾക്കൊപ്പം പശു! വാർഡിൽ അലഞ്ഞു നടക്കുന്ന വീഡിയോ വൈറൽ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ