ന്യൂഡല്‍ഹി: നിയമസഭ തെരഞ്ഞെടുപ്പ് നടക്കാന്‍ പോകുന്ന അഞ്ച് സംസ്ഥാനങ്ങളിലേക്ക് ചുമതലക്കാരെ തീരുമാനിച്ച് ബിജെപി. ഉത്തര്‍പ്രദേശില്‍ കേന്ദ്രവിദ്യാഭ്യാസ മന്ത്രി ധര്‍മേന്ദ്ര പ്രധാനാണ് ചുമതല. അര്‍ജുന്‍ റാം മേഖ്‌വാള്‍,കായിക മന്ത്രി അനുരാഗ് സിങ് താക്കൂര്‍, രാജ്യസഭ എംപി സരോജ് പാണ്ഡെ, ക്യാപ്റ്റന്‍ അഭിമന്യു, വിവേക് താക്കൂര്‍ എന്നിവര്‍ ധര്‍മേന്ദ്ര പ്രധാനൊപ്പം യുപിയില്‍ ക്യാമ്പയിനുകള്‍ക്ക് നേതൃത്വം നല്‍കും.
പാര്‍ലമെന്ററികാര്യ മന്ത്രി പ്രഹ്ലാദ് ജോഷിക്കാണ് ഉത്തരാഖണ്ഡിന്റെ ചുമതല. ബംഗാളില്‍ നിന്നുള്ള ലോക്‌സഭ എംപി ലോക്കറ്റ് ചാറ്റര്‍ജി,പാര്‍ട്ടി വക്താവ് ആര്‍പി സിങ് എന്നിവര്‍ ക്യാമ്പയിനുകള്‍ക്ക് നേതൃത്വം നല്‍കും. കേന്ദ്ര വനം,പരിസ്ഥിതി മന്ത്രി ഭൂപേന്ദ്ര യാദവ് മണിപ്പൂര്‍ തെരഞ്ഞെടുപ്പ് പ്രവര്‍ത്തനങ്ങള്‍ക്ക് നേതൃത്വം നല്‍കും.
കേന്ദ്രജലശക്തി വകുപ്പ് മന്ത്രി ഗജേന്ദ്ര സിങ് ഷെഖാവത് പഞ്ചാബ് തെരഞ്ഞെടുപ്പിന് മേല്‍നോട്ടം വഹിക്കും. മീനാക്ഷി ലേഖിയും ഹര്‍ദീപ് സിങ് പുരിയും ക്യാമ്പയിനുകള്‍ക്ക് നേതൃത്വം നല്‍കും. ഗോവയില്‍ മഹാരാഷ്ട്ര മുന്‍ മുഖ്യമന്ത്രി ദേവേന്ദ്ര ഫഡ്‌നാവിസിനാണ് മേല്‍നോട്ട ചുമതല.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
