പട്‌ന: ബിഹാര്‍ നിയമസഭാ തെരഞ്ഞൈടുപ്പില്‍ 243 സീറ്റുകളില്‍ 160 ലധികം സീറ്റുകളില്‍ എന്‍ഡിഎ നേടി അധികരാത്തില്‍ തിരിച്ചെത്തുമെന്ന് കേന്ദ്ര ആഭ്യന്തരമന്ത്രി അമിത് ഷാ. അടുത്ത അഞ്ച് വര്‍ഷത്തിനുള്ളില്‍ സീമാഞ്ചല്‍ മേഖലയിലെ മുഴുവന്‍ നുഴഞ്ഞുകയറ്റക്കാരെ പുറത്താക്കുമെന്നും അവരുടെ നിയമവിരുദ്ധ കയ്യേറ്റങ്ങള്‍ ഒഴിപ്പിക്കുമെന്നും അമിത് ഷാ പറഞ്ഞു.
'ജനങ്ങള്‍ ഞങ്ങള്‍ക്ക് നല്‍കുന്ന ആവേശം കാണുമ്പോള്‍, ബിഹാര്‍ ജനത എന്‍ഡിഎക്കൊപ്പമാണ്, ബിജെപിക്കൊപ്പമാണ് . ഞങ്ങള്‍ 160 സീറ്റുകള്‍ക്ക് അപ്പുറം നേടും. ഞാന്‍ ഇതിനെ 'പഞ്ച പാണ്ഡവന്മാരുടെ പോരാട്ടം' എന്നാണ് വിളിക്കുന്നത്, കാരണം എന്‍ഡിഎയിലെ അഞ്ച് ഘടകകക്ഷികളായ ജെഡിയു, ബിജെപി, എല്‍ജെപി (റാം വിലാസ്), ഹിന്ദുസ്ഥാനി അവാം മോര്‍ച്ച, രാഷ്ട്രീയ ലോക് മഞ്ച് എന്നിവര്‍ ഒറ്റക്കെട്ടാണ്. നരേന്ദ്ര മോദി ജിയുടെയും നിതീഷ് കുമാര്‍ ജിയുടെയും നേതൃത്വത്തില്‍ ബൂത്ത് തലം മുതല്‍ സംസ്ഥാന തലം വരെ ഞങ്ങള്‍ ഒരുമിച്ചാണ് നടത്തുന്നത്,' അമിത് ഷാ പറഞ്ഞു.
ബിഹാറിലെ ആദ്യഘട്ട വോട്ടെടുപ്പില്‍ 64.66 ശതമാനം പോളിങ് രേഖപ്പെടുത്തിയിരുന്നു. രണ്ടാംഘട്ട വോട്ടെടുപ്പ് പത്താം തീയതിയാണ്. 14നാണ് വോട്ടെണ്ണല്‍. ആദ്യഘട്ടത്തിലെ റെക്കോര്‍ഡ് പോളിങില്‍ തുല്യപ്രതീക്ഷയിലാണ് ഇരുമുന്നണികളും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
