തകർപ്പൻ ജയത്തോടെ സ്പെയിൻ, നീറ്റ് പുനഃപരീക്ഷയിൽ ആൾമാറാട്ടം, അയോധ്യയിൽ വൻ കൊള്ള; ഇന്നത്തെ 5 പ്രധാന വാർത്തകൾ

ലോകകപ്പിൽ സൗദി അറേബ്യയെ എതിരില്ലാത്ത നാലു ​ഗോളിന് തകർത്ത് മുൻ ചാംപ്യന്മാരായ സ്പെയിൻ ശക്തമായ തിരിച്ചു വരവു നടത്തി. നീറ്റ് പുനഃപരീക്ഷയിൽ ആൾമാറാട്ടം നടത്തിയതിന് ബിഹാറിൽ 9 പേർ അറസ്റ്റിലായി. അയോധ്യ രാമക്ഷേത്രത്തിൽ സംഭാവനയുടെയും മറ്റും പേരിലുള്ള ക്രമക്കേടിൽ കോടികളുടെ തട്ടിപ്പ് നടത്തിയതായി എസ്ഐടി അന്വേഷണത്തിൽ കണ്ടെത്തി. ഇന്നത്തെ 5 പ്രധാന വാർത്തകൾ ( Top 5 News Today ) അറിയാം

നീറ്റ് പുനഃപരീക്ഷയില്‍ ആള്‍മാറാട്ടം നടത്തിയതിന് ബിഹാറില്‍ 9 പേര്‍ അറസ്റ്റിലായി. യഥാര്‍ത്ഥ വിദ്യാര്‍ത്ഥികള്‍ക്ക് പകരം അറസ്റ്റിലായവരാണ് പരീക്ഷ എഴുതിയതെന്ന് പൊലീസ് വ്യക്തമാക്കി. ബിഹാറിലെ ലഖിസാരായിലാണ് സംഭവം. ഇവരുടെ റാക്കറ്റില്‍ 12 ഓളം പേരുണ്ടായിരുന്നതായാണ് പൊലീസ് സൂചിപ്പിക്കുന്നത്. ഉത്തര്‍പ്രദേശിലെ വാരാണസിയില്‍ പരീക്ഷാക്രമക്കേടിന് ഒരു വിദ്യാര്‍ത്ഥിയെ പൊലീസ് കസ്റ്റഡിയിലെടുത്തു.

അയോധ്യ രാമക്ഷേത്രത്തിലെ സംഭാവനകളില്‍ വന്‍ക്രമക്കേട് നടന്നെന്ന ആരോപണത്തില്‍ പ്രത്യേക അന്വേഷണ സംഘം മുഖ്യമന്ത്രി യോഗി ആദിത്യനാഥിന് പ്രാഥമിക റിപ്പോര്‍ട്ട് സമര്‍പ്പിച്ചു. പണാപഹരണം ഏറ്റവുംമധികം നടന്നത് കഴിഞ്ഞ കുംഭമേളക്കാലത്താണെന്ന് റിപ്പോര്‍ട്ടിലുണ്ടെന്നാണ് സൂചന. അന്വേഷണം നേരിടുന്ന രാമജന്മഭൂമി തീര്‍ഥക്ഷേത്ര ട്രസ്റ്റ് ഭാരവാഹികളും ക്ഷേത്ര ജീവനക്കാരും അയോധ്യ വിട്ടുപോകരുതെന്ന് എസ്‌ഐടി നിര്‍ദേശിച്ചിട്ടുണ്ട്.

ഫിഫ ലോകകപ്പിലെ ആദ്യ മത്സരത്തിൽ കാബോ വെർദെയ്ക്കെതിരെ പരുങ്ങിയ മുൻ ചാംപ്യൻമാരായ സ്പെയിൻ രണ്ടാം പോരാട്ടത്തിൽ 4 ​ഗോളടിച്ച് സൗദി അറേബ്യയെ തകർത്തെറിഞ്ഞു. ഇറങ്ങി പത്താം മിനിറ്റിൽ തന്നെ ലമീൻ യമാൽ ​ഗോൾ നേടി. ലോകകപ്പിലെ തന്റെ ആദ്യ ​ഗോൾ കൂടിയാണ് താരം സ്വന്തമാക്കിയത്. കഴിഞ്ഞ മത്സരത്തിൽ ആദ്യ 30 മിനിറ്റിൽ പന്ത് തൊടാൻ പോലും കിട്ടാതെ നാണക്കേടിന്റെ റെക്കോർഡുമായി നിന്ന ഒയർസബാൽ ഇത്തവണ ഇരട്ട ​ഗോളും നേടി. 

 സ്പെയിനിനെ ​ഗോളടിക്കാൻ സമ്മതിക്കാതെ കാബോ വെർദെ സമനിലയിൽ കുരുക്കിയപ്പോൾ സമൂഹ മാധ്യമങ്ങളിൽ കാബോ വെർദെ 'വെറുതെ അല്ല' എന്ന വാക്യങ്ങൾ നിറഞ്ഞിരുന്നു. സ്പെയിനിനു പിന്നാലെ അക്കാര്യം ഉറു​ഗ്വെയ്ക്കു മനസിലായി. ഉറു​ഗ്വെയേയും അവർ സമനിലയിൽ പിടിച്ചു. ഇത്തവണ 2 എണ്ണം വാങ്ങിയെങ്കിൽ 2 എണ്ണം അവർ മടക്കി നൽകി. ഇരു ടീമുകളും രണ്ട് ഗോൾവീതമടിച്ച് സമനിലയിൽ പിരിഞ്ഞു.

വിവാഹകാര്യങ്ങളിൽ അനുകൂല തീരുമാനങ്ങൾ ഉണ്ടാകും. വരുമാനം വർദ്ധിക്കും.ഏറെ നാളായി പ്രതീക്ഷിച്ച ഒരു കൂടി ക്കാഴ്ച നടക്കും. അകന്നു പോയ ബന്ധങ്ങൾ വീണ്ടും അടുക്കും. ജന്മദിനാഘോഷങ്ങളിൽ പങ്കെടുക്കും. പഴയ പരിചയക്കാരെ വീണ്ടും കണ്ടുമുട്ടും. വീടുനിർമാണവു മായി ബന്ധപ്പെട്ട ഒരു ആലോചന പുരോഗമിക്കും. അതിഥികളുടെ വരവ് സന്തോഷം പകരും.