ലഖ്നൗ: ഓണ്ലൈന് ക്ലാസെടുക്കുന്നതിനിടെ അധ്യാപകനെ കഴുത്തറുത്ത് കൊലപ്പെടുത്തി. ഉത്തര്പ്രദേശിലെ ഗോണ്ടയിലാണ് സംഭവം നടന്നത്. 32കാരനായ കൃഷ്ണ കുമാര് യാദവ് എന്നയാളാണ് വീട്ടില് ഓണ്ലൈന് ക്ലാസെടുക്കുന്നതിനിടെ കൊല്ലപ്പെട്ടത്. അക്രമികള് കഴുത്തറുത്ത് കൊല്ലുന്നതിന്റെ ദൃശ്യം ഇദ്ദേഹം ഓണ്ലൈന് ക്ലാസെടുത്തുകൊണ്ടിരുന്ന മൊബൈല് ഫോണില് റെക്കോര്ഡ് ആയി.
അക്രമികളെ പൊലീസ് അറസ്റ്റ് ചെയ്തു. ഇതില് ഒരാള്ക്ക് കൃഷ്ണ യാദവിന്റെ സഹോദരിയുമായി അടുപ്പമുണ്ടായിരുന്നു. ഇതില് കൃഷ്ണ യാദവ് എതിര്പ്പ് പ്രകടിപ്പിച്ചിതിന്റെ പകയിലാണ് കൊലപാതകം നടത്തിയതെന്ന് പൊലീസ് വ്യക്തമാക്കി. സന്ദീപ് യാദവ്, ജവഹിര് മിശ്ര എന്നിവരെയാണ് അറസ്റ്റ് ചെയ്തത്.
ശനിയാഴ്ച വൈകുന്നേരമാണ് കൊലപാതകം നടന്നത്. ഈ സമയത്ത് ഇദ്ദേഹം മുറിയല് തനിച്ചായിരുന്നെന്ന് പൊലീസ് വ്യക്തമാക്കി. വീട്ടിനുള്ളില് കടന്ന കൊലയാളികള്, വാക്കു തര്ക്കത്തിനൊടുവില് കൃഷ്ണ യാദവിന്റെ കഴുത്തറുക്കുകയായിരുന്നു.
സ്വകാര്യ സ്കൂളില് ജോലി ചെയ്യുന്ന കൃഷ്ണ യാദവ് സഹോദരിക്ക് ഒപ്പമാണ് താമസിച്ചിരുന്നത്. കൃഷ്ണയുടെ സഹോദരിയുമായി പരിചയത്തിലായ സന്ദീപ് ഇവരുമായി സംസാരിക്കുന്നത് കൃഷ്ണ യാദവ് വിലക്കിയിരുന്നു. ഇതാണ് കൊലയിലേക്ക് നയിച്ചതെന്ന് പൊലീസ് വ്യക്തമാക്കി.
ഈ വാര്ത്ത കൂടി വായിക്കൂ മൂന്നുവയസുകാരിയെ ബലാത്സംഗം ചെയ്ത് കൊലപ്പെടുത്തി; അമ്മയുടെ കാമുകന് അറസ്റ്റില്
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
