ഭോപ്പാല്: അംബേദ്കര്ക്കൊപ്പം ഹനുമാന് ഇരിക്കുന്ന ചിത്രം വാട്ട്സാപ്പില് പ്രചരിപ്പിച്ച ദളിത് യുവാവിനെ പൊലീസ് അറസ്റ്റ് ചെയ്തു. മധ്യപ്രദേശിലെ ബുന്ദേല്ഖണ്ഡിലാണ് സംഭവം. മതവികാരം വ്രണപ്പെടുത്തിയെന്ന് ആരോപിച്ച് ബജ്റംഗദള് പ്രവര്ത്തകന് നല്കിയ പരാതിയിലാണ് 17കാരനെ അറസ്റ്റ് ചെയ്തത്
മറ്റുള്ളവരുടെ വിശ്വാസത്തെ മുറിവേല്പ്പിച്ചതിനും ഐടി ആക്ട്പ്രകാരവുമാണ് എഫ്ഐആര് ചുമത്തിയിരിക്കുന്നതെന്ന് പൊലീസ് അറിയിച്ചു. അംബേദ്കറിനൊപ്പം ഇരിക്കുന്ന ഹനുമാന് മാപ്പുപറയുന്നതായും പോസ്റ്ററിലുണ്ട്.
ഹനുമാന് ദളിതായിരുന്നുവെന്നും വനവാസിയായിരുന്നുവെന്നും ഉത്തര്പ്രദേശ് മുഖ്യമന്ത്രി യോഗി ആദിത്യനാഥ് രാജസ്ഥാനിലെ തെരഞ്ഞെടുപ്പ് റാലിക്കിടെ പ്രസംഗിച്ചത് വലിയ വിവാദമായിരുന്നു. ബ്രാഹ്മണ സഭയുള്പ്പടെയുള്ളവര് യോഗിയുടെ പ്രസ്താവന പിന്വലിക്കണമെന്ന് ആവശ്യപ്പെട്ടിരുന്നു. ഇതിന് പിന്നാലെയാണ് ദളിത് യുവാവിനെ അറസ്റ്റ് ചെയ്തിരിക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
