അതിര്‍ത്തിയിലെ ചൈനീസ് ആക്രമണത്തിന് എതിരെ നടത്തിയ ബിജെപിയുടെ മറ്റൊരു പ്രതിഷേധവും അമളിയില്‍ കലാശിച്ചു. ചൈനീസ് പ്രസിഡന്റ് ഷി ചിന്‍പിങ്ങിനു പകരം ഉത്തര കൊറിയന്‍ ഭരണാധികാരി കിം ജോങ് ഉന്നിന്റെ കോലം കത്തിച്ച പ്രതിഷേധം സമൂഹമാധ്യമങ്ങളില്‍ വൈറലായിരുന്നു. ഇതിന്റെ മാനക്കേട് മാറിവരുന്നതിന് മുന്‍പേ അടുത്ത അബദ്ധവും പറ്റി. ഇത്തവണ പ്രസിഡന്റ് ശരിയായപ്പോള്‍ ബാനറില്‍ ഉപയോഗിച്ച ഭൂപടം അമേരിക്കയുടേതായി പോയി. ബംഗാളിലെ ബിജെപിക്കാണ് അബദ്ധം പറ്റിയത്.
ഗെറ്റി ഇമേജസിന്റെ ഫോട്ടോഗ്രാഫറാണ് ഈ ചിത്രം പകര്‍ത്തിയിരിക്കുന്നത്. ചൈനയുടെ മാപ്പ് തിരിച്ചറിയാന്‍പോലും പറ്റാത്തവരാണ് പ്രതിഷേധം നടത്തുന്നത് എന്നാണ് ട്വിറ്ററില്‍ നിറയുന്ന പരിഹാസം. പ്രധാനമന്ത്രിയുടെ ഏറ്റവും അടുത്ത സുഹൃത്തായ ഡൊണാള്‍ഡ് ട്രംപിന്റെ രാജ്യത്തോട് ഇത് ചെയ്യരുതായിരുന്നു എന്നും ചിലര്‍ പരിഹസിക്കുന്നുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
