മുംബൈ: അഖിലേന്ത്യ കിസാന്‍ സഭയുടെ നേതൃത്വത്തില്‍ കര്‍ഷകരുടെ രണ്ടാം ലോങ് മാര്‍ച്ചിന് ഇന്ന് തുടക്കമാകും. ബുധനാഴ്ച വൈകുന്നേരം നാല് മണിക്ക് ആരംഭിക്കുന്ന ലോങ് മാര്‍ച്ച് ഫെബ്രുവരി 27ന് മുംബൈയില്‍ പ്രവേശിക്കും.
മുംബൈയെ പിടിച്ചുകുലുക്കി കഴിഞ്ഞ വര്‍ഷം മാര്‍ച്ചില്‍ കര്‍ഷകര്‍ റാലി നടത്തിയിരുന്നു. അന്ന് വാഗ്ദാനം ചെയ്ത ഉറപ്പുകള്‍ പാലിക്കാത്തതിനെ തുടര്‍ന്നാണ് മഹാരാഷ്ട്രയിലെ ബിജെപി സര്‍ക്കാരിന് എതിരെ കര്‍ഷകരും ആദിവാസികളും രണ്ടാം ലോങ് മാര്‍ച്ചുമായി രംഗത്തെത്തിയിരിക്കുന്നത്. ഒരുലക്ഷത്തോളം പേരാണ് കഴിഞ്ഞ മാര്‍ച്ചില്‍ പങ്കെടുത്തത്.
കാര്‍ഷിക കടം എഴുതിത്തള്ളല്‍, കാര്‍ഷിക ഉത്പ്പന്നങ്ങള്‍ക്ക് തറവില, കാര്‍ഷിക പെന്‍ഷനും കൃഷിക്കാവശ്യമായ വെള്ളവും ലഭ്യമാക്കല്‍ തുടങ്ങിയ ആവശ്യങ്ങള്‍ ഉന്നയിച്ചാണ് മാര്‍ച്ച് നടത്തുകയെന്ന് കിസാന്‍ സഭ അധ്യക്ഷന്‍ അശോക് ധാവ്‌ലെ പ്രസ്താവനയില്‍ വ്യക്തമാക്കി.
കര്‍ഷകരുടെയും ആദിവാസികളുടെയും ഭൂമി വന്‍തോതില്‍ ഏറ്റെടുക്കേണ്ടിവരുന്ന മുംബൈ- അഹമ്മദാബാദ് ബുള്ളറ്റ് ട്രെയിന്‍ പദ്ധതി ഉപേക്ഷിക്കണമെന്നും കര്‍ഷകര്‍ ആവശ്യപ്പെടുന്നുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
