കൊല്‍ക്കത്ത : എന്‍ഡിഎ മുന്നണി വിടാനുള്ള തെലുങ്കുദേശം പാര്‍ട്ടിയുടെ തീരുമാനത്തെ സ്വാഗതം ചെയ്ത് പശ്ചിമബംഗാള്‍ മുഖ്യമന്ത്രിയും തൃണമൂല്‍ കോണ്‍ഗ്രസ് അധ്യക്ഷയുമായ മമത ബാനര്‍ജി. രാജ്യത്തെ നാശത്തില്‍ നിന്ന് രക്ഷിക്കാന്‍ ഇത്തരം പ്രവൃത്തികള്‍ ആവശ്യമാണ്. മമത ട്വീറ്റ് ചെയ്തു.
പ്രതിപക്ഷത്തെ എല്ലാ പാര്‍ട്ടികളും ഒരുമിച്ച് നില്‍ക്കണമെന്നും മമത അഭ്യര്‍ത്ഥിച്ചു. അതിക്രമങ്ങള്‍, സാമ്പത്തിക ദുരന്തം, രാഷ്ട്രീയ അരക്ഷിതത്വം എന്നിവക്കെതിരെ പ്രതിപക്ഷ പാര്‍ട്ടികള്‍ ഒത്തൊരുമിച്ച് പോരാടാന്‍ മമത ആവശ്യപ്പെട്ടു.
ആന്ധ്രപ്രദേശിന് പ്രത്യേക പദവി വേണമെന്ന വാഗ്ദാനം പാലിക്കുന്നില്ലെന്ന് ആരോപിച്ചാണ് ടിഡിപി എന്‍ഡിഎ മുന്നണി വിട്ടത്. കേന്ദ്രത്തില്‍ സമ്മര്‍ദ്ദം ശക്തമാക്കുന്നതിന്റെ ഭാഗമായി ടിഡിപി കഴിഞ്ഞ ദിവസം മന്ത്രിമാരെ പിന്‍വലിച്ചിരുന്നു. 16 ലോക്‌സഭാംഗങ്ങളും ആറ് രാജ്യസഭാംഗങ്ങളുമാണ് ടിഡിപിക്ക് പാര്‍ലമെന്റില്‍ ഉള്ളത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
