തൊടുപുഴ; സിനിമാ മേഖലിൽ ജോലി വാഗ്ദാനം ചെയ്ത് യുവതിയിൽ നിന്ന് 25 ലക്ഷത്തോളം രൂപ തട്ടിയ കേസിൽ തിരുവനന്തപുരം സ്വദേശി അറസ്റ്റിൽ. തിരുവനന്തപുരം മഞ്ഞമല മേൽതോന്നയ്ക്കൽ താറാവിള വീട്ടിൽ സുരേഷ്‌കുമാർ(49) ആണ് അറസ്റ്റിലായത്. തട്ടിപ്പിന് ഇരയായ ഇടുക്കി കോഴിമല സ്വദേശിയായ യുവതിയുടെ പരാതിയിലാണ് നടപടി.
ബ്യൂട്ടിഷ്യൻ കോഴ്സ് പഠിച്ച യുവതിക്ക് സിനിമാ മേഖലയിൽ മേക്കപ്പ് ജോലി ലഭ്യമാക്കാമെന്നു വിശ്വസിപ്പിച്ച് 25 ലക്ഷത്തോളം രൂപയാണ് ഇയാൾ തട്ടിയെടുത്തത്. കൂടാതെ യുവതിക്ക് വീടുവയ്ക്കാനായി സാമ്പത്തിക സഹായവും ഇയാൾ വാഗ്ദാനം ചെയ്തിരുന്നു. യുവതിയുടെ പരാതിയിൽ ഇയാൾക്കായി തിരച്ചിൽ നടത്തിവരികയായിരുന്ന ഇയാളെ തിരുവനന്തപുരത്തെ വീട്ടിൽ നിന്നാണ് അറസ്റ്റ് ചെയ്തത്.
മറ്റു പലയിടങ്ങളിലും സമാനമായ തട്ടിപ്പ് ഇയാൾ നടത്തിയിട്ടുണ്ട്. തിരുവനന്തപുരം പാറശാല, പോത്തൻകോട്, തൃശൂർ ഈസ്റ്റ്, എറണാകുളം ചേരാനല്ലൂർ എന്നിവിടങ്ങളിൽ നിന്നുള്ള പല യുവതികളെയും സിനിമാ മേഖലയിൽ ജോലി വാഗ്ദാനം ചെയ്ത് പീഡിപ്പിക്കുകയും വൻതുക തട്ടിയെടുക്കുകയും ചെയ്തതായി ഇയാൾക്കെതിരെ കേസുണ്ട്. തട്ടിപ്പിനുശേഷം തമിഴ്‌നാട്ടിലും കേരളത്തിലുമായി കറങ്ങിനടന്ന് വീണ്ടും തട്ടിപ്പു നടത്തുന്നതായിരുന്നു ഇയാളുടെ രീതി.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
