വെള്ളത്തിൽ വീണ കുട്ടികളെ രക്ഷിക്കാൻ ചാടി; കുടുംബത്തിലെ 4 പേർ ഭാരതപ്പുഴയിൽ മുങ്ങി മരിച്ചു

തൃശൂർ: ഭാരതപ്പുഴയിൽ ഒഴുക്കിൽപ്പെട്ട് കുടുംബത്തിലെ നാല് പേർ മരിച്ചു. ചെറുതുരുത്തി സ്വദേശികളായ ഓടക്കൽ വീട്ടിൽ കബീർ (47), ഭാര്യ ഷാഹിന (35), മകൾ സെറ (10), ഷാഹിനയുടെ സഹോദരിയുടെ മകൻ ഫുവാദ് സനിൻ (12) എന്നിവരാണ് മരിച്ചത്.

ഒഴുക്കിൽപ്പെട്ട ഉടനെ ഷാഹിനയെ രക്ഷപ്പെടുത്തി ആശുപത്രിയിൽ എത്തിച്ചെങ്കിലും മരണം സംഭവിച്ചു. പിന്നാലെ ഫുവാദ് സനിന്റെ മൃതദേഹം കണ്ടെത്തി. അതിനു ശേഷം കബീറിന്റേയും രാത്രി 8.15ഓടെ സെറയുടേയും മൃതദേഹങ്ങളും കണ്ടെത്തി. 4 മൃതദേഹങ്ങളും ആശുപത്രിലേക്ക് മാറ്റി.

പറവൂരിൽ അരും കൊല; 3 പേരെ വീട്ടിൽ കയറി വെട്ടി കൊന്നു; അയൽവാസി അറസ്റ്റിൽ

കുളിക്കാനിറങ്ങിയപ്പോൾ അപകടത്തിൽപ്പെട്ടു എന്നായിരുന്നു ആദ്യം വന്ന വിവരങ്ങൾ. എന്നാൽ കുട്ടികൾ കടവിനോടു ചേർന്നുള്ള തീരത്തു കളിക്കുന്നതിനിടെ വെള്ളത്തിൽ വീഴുകയായിരുന്നുവെന്നു ദൃക്സാക്ഷികൾ പറയുന്നു. രക്ഷിക്കാനിറങ്ങിയപ്പോഴാണ് കബീറും ഷാഹിനയും ഒഴുക്കിൽപ്പെട്ടത്.

ഇന്ന് വൈകീട്ട് 5 മണിയോടെയാണ് അപകടമുണ്ടായത്. അ​ഗ്നിശമന സേന, പൊലീസ്, നാട്ടുകാർ ചേർന്നു നടത്തിയ തിരച്ചിലിലാണ് മൃതദേഹങ്ങൾ കണ്ടെത്തിയത്.