മുന്‍കൂര്‍ ജാമ്യം തേടി ജഡ്ജി, കായികമേളയിലെ ഭക്ഷണത്തില്‍ പുഴുവെന്ന ആരോപണത്തില്‍ അറസ്റ്റ്, ഭൂരിപക്ഷമില്ലാതെ നെതന്യാഹു; ഇന്നത്തെ 5 പ്രധാന വാര്‍ത്തകള്‍

ചേരാനെല്ലൂര്‍ വാഹനാപകടക്കേസില്‍ പ്രതിയായ 17 കാരന്റെ പിതാവായ ജഡ്ജി മുന്‍കൂര്‍ ജാമ്യം തേടി ഹൈക്കോടതിയെ സമീപിച്ചു. സ്‌കൂള്‍ കായികമേളയിലെ ഭക്ഷണത്തില്‍ പുഴുവെന്ന ആരോപണത്തില്‍ അധ്യാപകന്‍ അറസ്റ്റില്‍. ഇസ്രയേല്‍ തെരഞ്ഞെടുപ്പില്‍ നെതന്യാഹുവിന്റെ പാര്‍ട്ടിക്ക് കേവല ഭൂരിപക്ഷം ലഭിച്ചില്ല. ഇന്നത്തെ 5 പ്രധാന വാര്‍ത്തകള്‍ ( Top 5 News Today ) അറിയാം.

ചേരാനല്ലൂര്‍ വാഹനാപകടക്കേസില്‍ പ്രതിയായ 17 കാരന്റെ പിതാവായ അഡീഷണല്‍ ജഡ്ജിയെ ഇന്നും ക്രൈംബ്രാഞ്ച് ചോദ്യം ചെയ്യും. രാവിലെ 11 ന് ചോദ്യം ചെയ്യലിനായി വീണ്ടും ഹാജരാകാന്‍ ജഡ്ജിയോട് ക്രൈംബ്രാഞ്ച് സംഘം ആവശ്യപ്പെട്ടിട്ടുണ്ട്. കേസെടുത്തതിന് പിന്നാലെ മുന്‍കൂര്‍ ജാമ്യം തേടി അഡീഷണല്‍ ജഡ്ജി ഹൈക്കോടതിയെ സമീപിച്ചിട്ടുണ്ട്. ഹര്‍ജി കോടതി ഇന്ന് പരിഗണിക്കും.

പിഎസ് സി പരീക്ഷാ ക്രമക്കേടില്‍ പ്രതിയായ പ്രതിയായ അഡീഷണല്‍ സെക്രട്ടറി ആര്‍. ഹരിക്കായി ക്രൈംബ്രാഞ്ച് അന്വേഷണം ഊര്‍ജ്ജിതമാക്കി.  നിയമവിരുദ്ധമായ യാതൊരു ഇടപെടലും നടത്തിയിട്ടില്ലെന്നും, ഇന്റര്‍വ്യൂ നടപടികള്‍ നടത്തിയത് സുതാര്യമായാണെന്നും പി എസ് സി ചെയര്‍മാന്‍ ഡോ. എം ആര്‍ ബൈജു മൊഴി നല്‍കി. സംഭവിച്ചത് ഉദ്യോ​ഗസ്ഥർക്ക് പറ്റിയ പിഴവാണെന്നും ബൈജു പൊലീസിനോട് പറഞ്ഞു.

സംസ്ഥാന സ്‌കൂള്‍ കായികമേളയിലെ ഭക്ഷണത്തില്‍ പുഴുവിനെ കണ്ടെന്ന ആരോപണത്തില്‍ അധ്യാപകന്‍ അറസ്റ്റില്‍. പെരുമ്പാവൂര്‍ സ്വദേശി ജിജോ ജെയിംസ് ആണ് അറസ്റ്റിലായത്. ജിജോ ജെയിംസ് ഫെയ്‌സ്ബുക്ക് ലൈവിലൂടെയാണ് ആരോപണം ഉയര്‍ത്തിയത്. ഇത് വലിയ വിവാദമായിരുന്നു.

ഇസ്രയേല്‍ പൊതുതെരഞ്ഞെടുപ്പില്‍ വ്യക്തമായ ഭൂരിപക്ഷം ലഭിക്കാതെ വന്നതോടെ, അറബ് പാര്‍ട്ടികള്‍ തെരഞ്ഞെടുപ്പ് അട്ടിമറിച്ചുവെന്നും വോട്ടുകള്‍ കവര്‍ന്നുവെന്നും ആരോപിച്ച് പ്രധാനമന്ത്രി ബെഞ്ചമിന്‍ നെതന്യാഹുവിന്റെ ലിക്കുഡ് പാര്‍ട്ടി രംഗത്ത്. 120 അംഗ നെസെറ്റില്‍ കേവലഭൂരിപക്ഷമായ 61 സീറ്റുകള്‍ നേടാന്‍ നെതന്യാഹുവിന്റെ നേതൃത്വത്തിലുള്ള വലതുപക്ഷ സഖ്യത്തിന് സാധിച്ചില്ല. തീവ്രവാദത്തെ പിന്തുണയ്ക്കുന്നവരും ജൂത രാഷ്ട്രത്തെ ഉന്മൂലനം ചെയ്യാന്‍ ആഗ്രഹിക്കുന്നവരുമായ അറബ് പാര്‍ട്ടികളാണ് തെരഞ്ഞെടുപ്പ് ഫലം മോഷ്ടിച്ചതെന്ന് ലിക്കുഡ് പാര്‍ട്ടി ആരോപിച്ചു.

ബന്ധുവിന്റെ വിവാഹത്തിൽ പങ്കെടുക്കും. കുടുംബജീവിതം സന്തോഷകരമാകും. വ്യാപാരത്തിൽ പ്രതീക്ഷിച്ച ഓർഡർ ലഭിക്കാൻ സാധ്യതയുണ്ട്. പുതിയ ചുമതലകൾ ഏറ്റെടുക്കും. വീടിന്റെ അറ്റകുറ്റപ്പണികൾ ആരംഭിക്കും. മകന്റെ വിദേശയാത്രയുമായി ബന്ധപ്പെട്ട വിവരം ലഭിക്കും. പഴയ കടബാധ്യതയുടെ ഒരു ഭാഗം തീർക്കാൻ കഴിയും. ദാമ്പത്യത്തിൽ പരസ്പര ധാരണ മെച്ചപ്പെടും.