ന്യൂജേഴ്സി: മലയാളികളെ ഞെട്ടിച്ച് അമേരിക്കയിൽ നിന്ന് വീണ്ടും കൊലപാതക വാർത്ത. അച്ഛനെ കൊലപ്പെടുത്തിയ കേസിൽ മകൻ പിടിയിൽ. മലയാളിയായ 61 കാരനായ മാനുവൽ തോമസിനെയാണ് മകൻ കുത്തിക്കൊന്നത്. സംഭവത്തിൽ 32കാരനായ മെൽവിൻ പിടിയിലായി.
ന്യൂജേഴ്സിയിലെ പരാമസിലാണ് സംഭവമുണ്ടായത്. വെള്ളിയാഴ്ചയാണ് മെൽവിൻ കൊലപാതക വിവരം പൊലീസിനെ അറിയിക്കുന്നത്. തുടർന്ന് പൊലീസ് വീട്ടിൽ നടത്തിയ അന്വേഷണത്തിൽ മാനുവലിന്റെ മൃതദേഹം ബേസ്മെന്റിൽ നിന്ന് കണ്ടെത്തുകയായിരുന്നു. ഒന്നിലധികം കുത്തുകളേറ്റ നിലയിലായിരുന്നു മൃതദേഹം. കൊലപാതക കുറ്റം ഏറ്റെടുത്ത മെൽവിൻ പൊലീസിനു മുന്നിൽ കീഴടങ്ങി.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
വാലന്റൈൻസ് ദിനത്തിലാണ് കൊലപാതകം നടന്നത്. തുടർന്ന് വീട്ടിൽ നിന്ന് ഇറങ്ങിപ്പോയ മെൽവിൻ രണ്ട് ദിവസത്തിനു ശേഷമാണ് പൊലീസിനെ വിവരം അറിയിക്കുന്നത്. മാനുവലിന്റെ ഭാര്യ ലിസ 2021 മാര്ച്ചിലാണ് മരിക്കുന്നത്. മെല്വിനെ കൂടാതെ ലെവിന് എന്ന മകനും ആഷ്ലി എന്ന മകളും ദമ്പതികള്ക്കുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
