കാസര്കോട്: വിദ്യാഭ്യാസ വകുപ്പ് തയ്യാറാക്കിയ ചോദ്യാവലിയില് സവര്ക്കറെ പുകഴ്ത്തി ചോദ്യം. മഞ്ച്വേശ്വരം, കുമ്പള, കാസര്കോട് ഉപജില്ലകളിലേക്കായി തയ്യാറാക്കിയ ചോദ്യവലിയിലാണ് വിവാദം. എല്പി സ്കൂള് വിദ്യാര്ഥികള്ക്കായുള്ള ഫ്രീഡം ക്വിസിലാണ് ഇത്തരത്തിലുള്ള ചോദ്യം ഉള്പ്പെട്ടത്. ചോദ്യാവലിക്കെതിരെ എംഎസ്എഫ് പരാതി നല്കി.
കാസര്കോട് ജില്ലയിലെ മൂന്ന് ഉപജില്ലകളിലെ എല്പി വിദ്യാര്ഥികള്ക്കായി തയ്യാറാക്കി ഫ്രീഡം ക്വിസിലാണ് സവര്ക്കറുമായി ബന്ധപ്പെട്ട ചോദ്യം ഉള്പ്പെടുത്തിയത്. ബ്രിട്ടിഷുകാരുടെ കൈയില് നിന്ന് ഏറ്റവും കൂടുതല് ശിക്ഷ ലഭിച്ച സ്വാതന്ത്ര്യസമര സേനാനി ആര് എന്നായിരുന്നു ചോദ്യം.
വിഡി സവര്ക്കര് ഉത്തരമായി വരുന്ന ചോദ്യം ഉള്പ്പെടുത്തിയതിനെതിരെ എംഎസ്എഫ് രംഗത്തെത്തി. മുസ്ലീം ലീഗ് വിദ്യാഭ്യസ വകുപ്പ് ഭരിക്കുമ്പോള് ഇത്തരത്തില് ഒരു ചോദ്യം എങ്ങനെ ഉള്പ്പെടുത്തിയെന്നാണ് എംഎസ്എഫുകാരുടെ ചോദ്യം. വിഷയം പരിശോധിക്കുമെന്ന് ഡിഡി അറിയിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
