പയ്യോളി: ശബരിമല വിഷയത്തില്‍ ബിജെപി സമരം അവസാനിപ്പിച്ചിട്ടില്ലെന്ന് പി എസ് ശ്രീധരന്‍പിള്ള. സമരം അവസാനിപ്പിച്ചതായി താന്‍ എവിടെയും പറഞ്ഞിട്ടില്ല. അങ്ങനെ പറഞ്ഞതായി തെളിയിച്ചാല്‍ പൊതുപ്രവര്‍ത്തനം അവസാനിപ്പിക്കുമെന്നും അദ്ദേഹം കണ്ണൂരില്‍ പറഞ്ഞു.
നഗരസഭകളിലേക്ക് നടന്ന ഉപതിരഞ്ഞെടുപ്പില്‍ ബിജെപിക്ക് തിരിച്ചടി നേരിട്ടുവെന്ന മാധ്യമപ്രചരണം തെറ്റാണ്. മൗഢ്യമാണ് മാധ്യമങ്ങള്‍ എഴുതിയത്. സീറ്റുകള്‍ നേടിയത് കൂടാതെ എട്ട് സ്ഥലങ്ങളില്‍ ബിജെപിക്ക് രണ്ടാംസ്ഥാനത്തേക്ക് എത്താന്‍ കഴിഞ്ഞുവെന്നത് നേട്ടമാണ്.
യുഡിഎഫിനെ പിന്തള്ളിയാണ് ഈ നേട്ടം സ്വന്തമാക്കിയത്. ത്രിപുരയിലും ബംഗാളിലും സംഭവിച്ചത് കേരളത്തിലും ആവര്‍ത്തിക്കാന്‍ പോകുന്നുവെന്നതിന്റെ മുന്നറിയിപ്പാണ് ഉപതിരഞ്ഞെടുപ്പ് ഫലമെന്നും ശ്രീധരന്‍പിള്ള പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
