തിരുവനന്തപുരം: സംസ്ഥാനത്ത് പകര്‍ച്ചവ്യാധിയായ കോളറ പടര്‍ന്നുപിടിക്കാന്‍ സാധ്യതയെന്ന് ആരോഗ്യ വകുപ്പിന്റെ മുന്നറിയിപ്പ്. പത്തനംതിട്ടയിലെയും മലപ്പുറത്തേയും കോളറ മരണങ്ങളാണെന്ന് സ്ഥിരീകരിച്ചതോടെയാണ് ആരോഗ്യവകുപ്പ് മുന്നറിയിപ്പ് നല്‍കിയത്.
പ്രതിരോധ നടപടികള്‍ ശക്തമാക്കണമെന്ന് കാണിച്ച് ആരോഗ്യവകുപ്പ് മെഡിക്കല്‍ ഓഫിസര്‍മാര്‍ക്ക് കത്തയച്ചിട്ടുണ്ട്. പത്ത് ദിവസം മുന്‍പാണ് പശ്തിമബംഗാളില്‍ നിന്നും ഇന്ത്യയിലെത്തിയ തൊഴിലാളികളില്‍ കോളറയുടെ ലക്ഷണങ്ങള്‍ കണ്ടെത്തിയത്. കേരളത്തിലിതുവരെ ആറ് പേര്‍ രോഗം പിടിപെട്ട് മെഡിക്കല്‍ കോളജില്‍ ചികിത്സയിലാണ്.
വൃത്തിഹീനമായ ചുറ്റുപാടുകളില്‍ നിന്നുമുള്ള വെള്ളം, ആഹാരം എന്നിവയിലൂടെയാണ് കോളറ രോഗാണുക്കള്‍ ശരീരത്തിലെത്തുന്നത്. തുടര്‍ന്ന് രോഗാണുക്കള്‍ കോളറ ടോക്‌സിന്‍ എന്ന വിഷവസ്തു ഉല്‍പാദിപ്പിക്കുകയും അത് വയറിളക്കത്തിന് കാരണമാവുകയും ചെയ്യുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
