തെറ്റായ വശത്തുകൂടെ വാഹനമോടിച്ച യുവാവിന് തടവ് ശിക്ഷ; വണ്ടി പിടിച്ചെടുക്കാനും കോടതി ഉത്തരവ്

മ​നാ​മ: തെറ്റായ വശത്തുകൂടെ വാ​ഹ​ന​മോ​ടി​ച്ച് അ​പ​ക​ടമുണ്ടാക്കിയ ആളെ തടവ് ശിക്ഷയ്ക്ക് വിധിച്ച് ബഹ്‌റൈൻ കോടതി. ഒ​രു വ​ർ​ഷ​ത്തേ​ക്ക് താ​ൽ​ക്കാ​ലി​ക​മാ​യി പ്ര​തി​യു​ടെ ലൈ​സ​ൻ​സ് റ​ദ്ദാ​ക്കാനും വാ​ഹ​നം പിടിച്ചെടുക്കാനും കോടതി ഉത്തരവിട്ടു. തെ​റ്റാ​യ വശത്തുകൂടെ വാ​ഹ​ന​മോ​ടി​ക്കു​ന്ന ദൃ​ശ്യം സോ​ഷ്യ​ൽ മീ​ഡി​യ​യി​ൽ പ്ര​ച​രി​ച്ച​തി​നെത്തുടർന്ന് നടത്തിയ അന്വേഷണത്തിലാണ് പ്രതിയെ അറസ്റ്റ് ചെയ്തത്.

ഗ​താ​ഗ​തം ത​ട​സ്സ​പ്പെ​ടു​ത്തു​ക,സ്വ​ത്തി​ന് കേ​ടു​പാ​ടു​ക​ൾ വ​രു​ത്തു​ക,പ​രി​ക്കേ​ൽ​പ്പി​ക്കു​ക എ​ന്നീ കു​റ്റ​ങ്ങ​ളാ​ണ് പ്ര​തി​ക്കെ​തി​രെ ചു​മ​ത്തി​യ​ത്. ര​ണ്ട് വ​ർ​ഷ​ത്തെ ശിക്ഷാ കാ​ലാ​വ​ധി​ക്കു​ശേഷമാണ് ഒ​രു വ​ർ​ഷ​ത്തേക്ക് പ്രതിയുടെ ലൈ​സ​ൻ​സ് സ​സ്പെ​ൻ​ഡ് ചെ​യ്യു​ക.

പ്ര​തി​യു​ടെ പ്ര​വൃ​ത്തി​ സ്വ​ന്തം ജീ​വ​നും റോ​ഡി​ലു​ള്ള മ​റ്റു​ള്ള​വ​രു​ടെ ജീ​വ​നും അ​പ​ക​ട​ത്തി​ലാ​ക്കു​ന്ന​താ​യി​രു​ന്നു എന്ന് നിരീക്ഷിച്ചാണ് കോടതി ശിക്ഷ നൽകിയത്. അ​ശ്ര​ദ്ധ​മാ​യ ഡ്രൈ​വി​ങ്ങി​നും പൊ​തു സു​ര‍ക്ഷ​യെ ബാ​ധി​ക്കു​ന്ന​തു​മാ​യ നി​യ​മ​ലം​ഘ​ന​ങ്ങ​ൾ​ക്കെ​തി​രെ ക​ർ​ശ​ന​മാ​യ ​ന​ട​പ​ടി​ക​ൾ സ്വീ​ക​രി​ക്കു​മെ​ന്ന് അ​ധി​കൃ​ത​ർ വ്യക്തമാക്കി.