ലണ്ടന്‍: പാക്കിസ്ഥാന്‍ മണ്ണില്‍ വീണ്ടു ക്രിക്കറ്റിന് വഴിയൊരുങ്ങുന്നു. ഈ വര്‍ഷം അവസാനത്തില്‍ ഐസിസി ലോക ഇലവന്‍ പാക്കിസ്ഥാനില്‍ കളിക്കുമെന്ന് ഐസിസി അറിയിച്ചു. രണ്ട് വര്‍ഷം മുമ്പ് സിംബാവെ സന്ദര്‍ശനത്തിനെത്തിയതൊഴിച്ചാല്‍ 2009 മുതല്‍ ഇതുവരെ പാക്കിസ്ഥാനില്‍ ക്രിക്കറ്റ് മത്സരങ്ങള്‍ നടന്നിരുന്നില്ല. ശ്രീലങ്കന്‍ ടീമിനെതിരേ നടന്ന തീവ്രവാദ ആക്രമണത്തിനു ശേഷം പാക്കിസ്ഥാനില്‍ കളിക്കുന്നതിന് മറ്റു രാജ്യങ്ങള്‍ വിസമ്മതിക്കുകയായിരുന്നു.
ക്രിക്കറ്റിന്റെ ഏറ്റവും മികച്ച വിപണികളിലൊന്നായ പാക്കിസ്ഥാനില്‍ കളി സംഘടിപ്പിച്ച് വിപണിയിലേക്ക് തിരിച്ചുകൊണ്ടുവരാനുള്ള ശ്രമമാണ് ഐസിസി നടത്തുന്നത്. 2009 മുതല്‍ വിദേശ വേദികളിലാണ് പാക്കിസ്ഥാന്‍ ഹോം മാച്ചുകള്‍ നടത്താറുള്ളത്.
ലോക ഇലവനും പാക്കിസ്ഥാനും ടീമില്‍ ട്വന്റി20 മത്സരം സംഘടിപ്പിച്ച് അന്താരാഷ്ട്ര ക്രിക്കറ്റ് ഇവിടെ സജീവമാക്കാനും ഐസിസി ലക്ഷ്യമിടുന്നു. സെപ്റ്റംബറിലാകും മത്സരം നടക്കുക. ഇന്ത്യയെ 180 റണ്‍സിന് പരാജയപ്പെടുത്തി ചാംപ്യന്‍സ് ട്രോഫി സ്വന്തമാക്കിയ പാക്കിസ്ഥന്‍ ടീം പുതിയ വാര്‍ത്ത പ്രതീക്ഷയോടെയാണ് കാണുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
