ഇന്ത്യന് ലൈഫ്സ്റ്റൈല് പിക്ക്അപ്പ് ട്രക്ക് വിപണിയില് തങ്ങളുടെ ആധിപത്യം കൂടുതല് ശക്തമാക്കാന് പുതിയ തലമുറ ഹൈലക്സുമായി ടൊയോട്ട. ഒമ്പതാം തലമുറ മോഡല് ജൂലൈ 28ന് ഇന്ത്യന് വിപണിയില് അവതരിപ്പിക്കും.
രാജ്യാന്തര വിപണികളില് ഇതിനകം തരംഗമായി മാറിയ ഈ പുതിയ മോഡല് വിപുലമായ ഡിസൈന് മാറ്റങ്ങളോടെയും നിരവധി അത്യാധുനിക ഫീച്ചറുകളോടെയുമാണ് ഇത്തവണ ഇന്ത്യന് ഉപഭോക്താക്കള്ക്ക് മുന്നിലേക്ക് എത്താന് ഒരുങ്ങുന്നത്. പുതിയ തലമുറ ഹൈലക്സിന് പരമാവധി ഒരു ടണ് വരെ പേലോഡ് ശേഷിയും 3,500 കിലോഗ്രാം വരെയുള്ള വമ്പന് ടോവിങ് ശേഷിയും ഉണ്ട്. വെല്ലുവിളി നിറഞ്ഞ റോഡ് സാഹചര്യങ്ങളിലും മികച്ച ഡ്രൈവിങ് അനുഭവം നല്കാന് ഇതിലെ ഓള്-വീല് ഡ്രൈവ് സിസ്റ്റത്തിന് സാധിക്കും.
നിലവിലെ ഹൈലക്സില് നിന്ന് വ്യത്യസ്തമായി, പുതിയ മോഡലിന് കൂടുതല് മൂര്ച്ചയുള്ള രൂപകല്പ്പനയാണ് ഉള്ളത്. കറുത്ത ട്രിം ഉപയോഗിച്ച് ബന്ധിപ്പിച്ചിരിക്കുന്ന സ്ലിം എല്ഇഡി ഹെഡ്ലാമ്പുകളുള്ള ഹണികോമ്പ് ഗ്രില്, മസ്കുലാര് ഫെന്ഡറുകള്, പുനര്രൂപകല്പ്പന ചെയ്ത ടെയില്ഗേറ്റ്, സി-ആകൃതിയിലുള്ള എല്ഇഡികളുള്ള ടെയില് ലാമ്പ് ക്ലസ്റ്ററുകള് എന്നിവ ഇതിലുണ്ട്.
അകത്തളത്തില് മധ്യഭാഗത്ത് ഫ്ലോട്ടിംഗ് 12.3 ഇഞ്ച് ടച്ച്സ്ക്രീന്, പുതിയ 3-സ്പോക്ക് സ്റ്റിയറിങ് വീല്, ഡിജിറ്റല് ഇന്സ്ട്രുമെന്റ് ക്ലസ്റ്റര് എന്നിവയുള്ള ഒരു പുതിയ ഡാഷ്ബോര്ഡ് ലഭിക്കുന്നു. വെന്റിലേറ്റഡ് ഫ്രണ്ട് സീറ്റുകള്, വയര്ലെസ് ചാര്ജിങ് പാഡ്, 360-ഡിഗ്രി കാമറ, ADAS എന്നിവയും ഇതില് ഉള്പ്പെടുന്നു. അതേ 2.8 ലിറ്റര് ഡീസല് എന്ജിന് തന്നെയായിരിക്കും ഇതിനും കരുത്തുപകരുക. 48V മൈല്ഡ്-ഹൈബ്രിഡ് സിസ്റ്റവുമായി അധികമായി കൂട്ടിച്ചേര്ത്തിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates