pension ai image
Business

കുറഞ്ഞ പിഎഫ് പെന്‍ഷന്‍ ആയിരം രൂപയില്‍ നിന്ന് 3000 രൂപയാക്കുമോ?, മറ്റന്നാള്‍ നിര്‍ണായക യോഗം; പ്രതീക്ഷയോടെ പെന്‍ഷന്‍കാര്‍

എംപ്ലോയീസ് പെന്‍ഷന്‍ സ്‌കീമിന് കീഴിലുള്ള പ്രതിമാസ കുറഞ്ഞ പെന്‍ഷന്‍ തുക വര്‍ധിപ്പിക്കാന്‍ സാധ്യത.

Author : സമകാലിക മലയാളം ഡെസ്ക്
Edited By : Dhanoj AM

ന്യൂഡല്‍ഹി: എംപ്ലോയീസ് പെന്‍ഷന്‍ സ്‌കീമിന് കീഴിലുള്ള പ്രതിമാസ കുറഞ്ഞ പെന്‍ഷന്‍ തുക വര്‍ധിപ്പിക്കാന്‍ സാധ്യത. വ്യാഴാഴ്ച ന്യൂഡല്‍ഹിയില്‍ ചേരുന്ന എംപ്ലോയീസ് പ്രൊവിഡന്റ് ഫണ്ട് ഓര്‍ഗനൈസേഷന്റെ 240-ാമത് സെന്‍ട്രല്‍ ബോര്‍ഡ് ഓഫ് ട്രസ്റ്റീസ് യോഗത്തില്‍ പെന്‍ഷന്‍ വര്‍ധന പരിഗണനയില്‍ വന്നേക്കുമെന്നാണ് റിപ്പോര്‍ട്ടുകള്‍ വ്യക്തമാക്കുന്നത്.

നിലവില്‍ കുറഞ്ഞ പെന്‍ഷന്‍ തുക ആയിരം രൂപയാണ്. ഇത് മൂവായിരം രൂപയായി വര്‍ധിപ്പിക്കാനാണ് സര്‍ക്കാര്‍ ആലോചിക്കുന്നതെന്നാണ് റിപ്പോര്‍ട്ടുകള്‍ വ്യക്തമാക്കുന്നത്. ഇതുസംബന്ധിച്ച് തൊഴില്‍ മന്ത്രാലയവും ധനമന്ത്രാലയവും തമ്മില്‍ ധാരണയില്‍ എത്തിയെന്ന് മണി കണ്‍ട്രോള്‍ റിപ്പോര്‍ട്ട് ചെയ്യുന്നു.

ഒരു ദശകത്തിലേറെയായി പ്രതിമാസം 1000 രൂപ എന്ന കുറഞ്ഞ പെന്‍ഷന്‍ തുക കൈപ്പറ്റുന്ന ഇപിഎസ് പെന്‍ഷന്‍കാര്‍ ഏറെ പ്രതീക്ഷയോടെയാണ് വ്യാഴാഴ്ചത്തെ യോഗത്തെ ഉറ്റുനോക്കുന്നത്. എന്നാല്‍ തുക വര്‍ധിപ്പിക്കുന്നത് സംബന്ധിച്ച് തൊഴില്‍ മന്ത്രാലയോ ധനകാര്യമന്ത്രാലയമോ സ്ഥിരീകരണം നല്‍കിയിട്ടില്ല.

പെന്‍ഷന്‍ തുക വര്‍ധിപ്പിക്കണമെന്ന് ആവശ്യപ്പെട്ട് ട്രേഡ് യൂണിയനുകളും പെന്‍ഷന്‍കാരുടെ സംഘടനകളും സര്‍ക്കാരിന് നിവേദനം നല്‍കിയിട്ടുണ്ട്. 2014 ഓഗസ്റ്റ് 19ലെ സര്‍ക്കാര്‍ വിജ്ഞാപനത്തിലൂടെയാണ് കുറഞ്ഞ ഇപിഎസ് പെന്‍ഷന്‍ ഏര്‍പ്പെടുത്തിയത്. 2014 സെപ്റ്റംബര്‍ ഒന്നുമുതല്‍ ഇത് പ്രാബല്യത്തില്‍ വരികയും ചെയ്തു. അന്നുമുതല്‍ പെന്‍ഷന്‍കാരുടെ സംഘടനകളും ട്രേഡ് യൂണിയനുകളും ഇതില്‍ ഭേദഗതി വരുത്തണമെന്ന് പലതവണ ആവശ്യപ്പെട്ടിട്ടുണ്ട്. പ്രതിമാസം കുറഞ്ഞത് 7500 രൂപ പെന്‍ഷന്‍ നല്‍കണമെന്നാണ് പല സംഘടനകളും ആവശ്യപ്പെടുന്നത്. നിലവിലെ പണപ്പെരുപ്പം കണക്കിലെടുത്ത് പെന്‍ഷന്‍ തുക ഉയര്‍ത്തണമെന്നതാണ് ട്രേഡ് യൂണിയനുകളുടെ ആവശ്യം.

EPS pension hike: will government approve 3,000 rupees minimum pension?

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

പൊട്ടന്‍മാര്‍ക്ക് E20 സയന്‍സ് അറിയില്ല; കന്നാസില്‍ കൊണ്ടുപോയി മിക്‌സ് ചെയ്‌തോ എന്നറിയില്ല; സുരേഷ് ഗോപി

'അമൽ നീരദിന്റെ ബലഹീനത അതാണ്, കഴിവതും ആ സമയത്ത് ബാക്കി കാര്യങ്ങളിൽ അദ്ദേഹം ഇടപെടാറില്ല'; ജ്യോതിർമയി പറയുന്നു

സിഎസ്‌കെ ആരാധകൻ ശരവണൻ ഹരിയുടെ വ്യക്തിത്വ അവകാശങ്ങൾ സംരക്ഷിച്ച് മദ്രാസ് ഹൈക്കോടതി; ബ്ലിങ്കിറ്റിന് വിലക്ക്

പാളയം മാര്‍ക്കറ്റ് പോലെ മാനവീയം വീഥിയും സ്വകാര്യസ്വത്താക്കാമെന്ന് ആരും വ്യാമോഹിക്കേണ്ട: മേയര്‍ വി വി രാജേഷ്

നെതർലൻഡ്‌സിനെ എതിരില്ലാത്ത അഞ്ചു ​ഗോളുകൾ‌ക്ക് തകർത്ത് ജർമനി; യുവേഫ നേഷൻസ് ലീ​ഗ് ക്വാർട്ടറിൽ കടന്നു