Oil prices slip file
Business

അമേരിക്ക- ഇറാന്‍ സമാധാന കരാര്‍ ഉടന്‍?; എണ്ണവില 80 ഡോളറില്‍ താഴെ തന്നെ, ഹോര്‍മുസ് കടലിടുക്ക് വീണ്ടും തുറക്കുമെന്ന് പ്രതീക്ഷ

അമേരിക്കയുമായുള്ള സമാധാന കരാറിനായി ഇറാന്‍- ഒമാന്‍ ചര്‍ച്ചകളില്‍ നിക്ഷേപകര്‍ പ്രതീക്ഷ അര്‍പ്പിച്ചതോടെ എണ്ണവില 80 ഡോളറില്‍ താഴെ തന്നെ

Author : സമകാലിക മലയാളം ഡെസ്ക്
Edited By : Dhanoj AM

ന്യൂഡല്‍ഹി: അമേരിക്കയുമായുള്ള സമാധാന കരാറിനായി ഇറാന്‍- ഒമാന്‍ ചര്‍ച്ചകളില്‍ നിക്ഷേപകര്‍ പ്രതീക്ഷ അര്‍പ്പിച്ചതോടെ എണ്ണവില 80 ഡോളറില്‍ താഴെ തന്നെ. ഇന്ത്യ മുഖ്യമായി ആശ്രയിക്കുന്ന ബ്രെന്‍ഡ് ക്രൂഡിന്റെ വ്യാപാരം ബാരലിന് 79 ഡോളറിലാണ് നടക്കുന്നത്.

പശ്ചിമേഷ്യയെ സംഘര്‍ഷഭരിതമാക്കി അഞ്ചുമാസമായി തുടരുന്ന യുദ്ധം അവസാനിപ്പിക്കുന്നതിനും ഹോര്‍മുസ് കടലിടുക്ക് വീണ്ടും തുറക്കുന്നതിനും സമാധാന കരാര്‍ വഴി തുറക്കുമെന്നാണ് നിക്ഷേപകരുടെ പ്രതീക്ഷ. ലോകത്തെ എണ്ണനീക്കത്തിന്റെ അഞ്ചിലൊന്ന് നടക്കുന്നത് ഹോര്‍മുസ് കടലിടുക്ക് വഴിയാണ്. ഇതുവഴിയുള്ള എണ്ണനീക്കം സാധാരണ നിലയില്‍ എത്തിയാല്‍ ലോക സമ്പദ്‌വ്യവസ്ഥ ശക്തമായി തിരിച്ചുവരുമെന്നാണ് നിക്ഷേപകര്‍ പ്രതീക്ഷിക്കുന്നത്.

ജൂണ്‍ 17ന് അമേരിക്കയും ഇറാനും തമ്മിലുള്ള താല്‍ക്കാലിക സമാധാന കരാറില്‍ ഒപ്പുവെച്ചപ്പോഴുള്ള നിലവാരത്തിലേക്ക് എണ്ണവില തിരികെയെത്തിയിരിക്കുകയാണ്. ഇരുവിഭാഗങ്ങളും തമ്മില്‍ അന്തിമ കരാറിലെത്തുമോ എന്ന് നിക്ഷേപകര്‍ ആകാംക്ഷയോടെ നിരീക്ഷിച്ച് വരികയാണ്. ഹോര്‍മുസ് കടലിടുക്ക് തുറക്കുന്നതിനുള്ള കരാര്‍ ഉടന്‍ ഉണ്ടാവുമെന്നാണ് അമേരിക്കന്‍ പ്രസിഡന്റ് ഡോണള്‍ഡ് ട്രംപ് പറഞ്ഞത്. എന്നാല്‍ കടലിടുക്കിന്റെ നിയന്ത്രണം ആര്‍ക്ക് ആയിരിക്കും എന്നതിനെ സംബന്ധിച്ച അനിശ്ചിതത്വം തുടരുന്നുണ്ട്.

Oil prices slip as Iran-Oman talks fuel hopes for peace deal

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

ടൂറിസ്റ്റ് ബസുകള്‍ ഇനി 'കളറാകും'; വെള്ളനിറം നിര്‍ബന്ധമാക്കിയ തീരുമാനം പിന്‍വലിച്ചു

2070ല്‍ ഇന്ത്യ ലോകത്ത് ഏറ്റവും കൂടുതല്‍ മുസ്ലിം ജനസംഖ്യയുള്ള രണ്ടാമത്തെ രാജ്യമാകും; ഹിന്ദു ശതമാനം കുറയും: പഠനം

Today's Rashi Phalam November 20|മത്സരങ്ങളില്‍ മികച്ച വിജയം; മക്കളില്‍ നിന്ന് സന്തോഷ വാര്‍ത്ത ലഭിക്കും

മോഷണക്കേസില്‍ ചോദ്യം ചെയ്യാന്‍ വിളിപ്പിച്ചു; പിന്നാലെ 63കാരന്‍ തൂങ്ങിമരിച്ച നിലയില്‍

പുതിയ എഐസിസി സെക്രട്ടറിമാരെ നിയമിച്ചു; കേരളത്തില്‍ നിന്നും എസ് ശരത്തിനും സൈമണ്‍ അലക്‌സിനും ചുമതല