പ്രതിരോധ മന്ത്രാലയത്തിന് കീഴിലുള്ള നവരത്ന പൊതുമേഖലാ സ്ഥാപനമായ ഭാരത് ഇലക്ട്രോണിക്സ് ലിമിറ്റഡി (BEL) ൽ എൻജിനീയർമാർക്ക് അവസരം. ഇന്ന് മുതൽ അപേക്ഷ ക്ഷണിച്ചുകൊണ്ട് ഔദ്യോഗിക വിജ്ഞാപനം പ്രസിദ്ധീകരിച്ചു. ബിഇ/ബിടെക് യോഗ്യതയുള്ളവർക്ക് അപേക്ഷ നൽകാം.

ഭാരത് ഇലക്ട്രോണിക്സ് ലിമിറ്റഡ് (BEL) സീനിയർ എൻജിനീയർ തസ്തികകളിലേക്കാണ് നിയമനം നടത്തുന്നത്. താൽപ്പര്യമുള്ളവരും യോഗ്യതയുള്ളവരുമായ ഉദ്യോഗാർത്ഥികൾക്ക് ഭെൽ (BEL ) ഔദ്യോഗിക വെബ്സൈറ്റ് വഴി ഓൺലൈനായി അപേക്ഷിക്കാം. അപേക്ഷ സമർപ്പിക്കാനുള്ള അവസാന തീയതി മാർച്ച് 30 ആണ്.

കരസേന, നാവികസേന, വ്യോമസേന എന്നിവയ്‌ക്കായി അത്യാധുനിക ഇലക്ട്രോണിക് ഉൽപ്പന്നങ്ങളും സംവിധാനങ്ങളും ഈ പൊതുമേഖലാ സ്ഥാപനം നിർമ്മിക്കുന്നു. ഇതിന് പുറമെ ഹോംലാൻഡ് സെക്യൂരിറ്റി സൊല്യൂഷൻ, സ്മാർട്ട് സിറ്റി, ഇ-ഗവേണൻസ് സൊല്യൂഷൻ, സാറ്റലൈറ്റ് ഇന്റഗ്രേഷൻ ഉൾപ്പെടെയുള്ള ബഹിരാകാശ ഇലക്ട്രോണിക്സ് സംവിധാനങ്ങൾ, ഇ-വെഹിക്കിൾ ചാർജിങ് സ്റ്റേഷനുകൾ ഉൾപ്പെടെയുള്ള ഊർജ്ജ സംഭരണ ​​ഉൽപ്പന്നങ്ങൾ, സോളാർ, നെറ്റ്‌വർക്ക് ആൻഡ് സൈബർ സെക്യൂരിറ്റി, റെയിൽവേ ആൻഡ് മെട്രോ സൊല്യൂഷൻസ്, വിമാനത്താവള സൊല്യൂഷന, ഇലക്ട്രോണിക് വോട്ടിങ് മെഷീനുകൾ, ടെലികോം ഉൽപ്പന്നങ്ങൾ, പാസീവ് നൈറ്റ് വിഷൻ ഉപകരണങ്ങൾ, മെഡിക്കൽ ഇലക്ട്രോണിക്സ്, സോഫ്റ്റ്‌വെയർ സൊല്യൂഷൻ തുടങ്ങിയ വിവിധ മേഖലകളിലേക്കും ഭെൽ (BEL ) പ്രവർത്തനം വൈവിധ്യവൽക്കരിച്ചിട്ടുണ്ട്.

തസ്തിക, യോഗ്യത, ശമ്പളം, പ്രായപരിധി. ഒഴിവുകൾ എന്നിവ അറിയാം

തസ്തികയുടെ പേര്: സീനിയർ എഞ്ചിനീയർ E-III

യോഗ്യത : കമ്പ്യൂട്ടർ സയൻസ്/ഇലക്‌ട്രോണിക്‌സ് ആൻഡ് കമ്മ്യൂണിക്കേഷൻ എന്നിവയിലേതെങ്കിലും വിഷയത്തിൽ ഫസ്റ്റ് ക്ലാസോടെ ബിഇ/ബി ടെക്

(കമ്പ്യൂട്ടർ സയൻസ്,കമ്പ്യൂട്ടർ സയൻസ് ആൻഡ് എൻജിനീയറിങ്, കമ്പ്യൂട്ടർ സയൻസ് എൻജിനീയറിങ്; ഇലക്ട്രോണിക്സ്,ഇലക്ട്രോണിക്സ് ആൻഡ് കമ്മ്യൂണിക്കേഷൻ ഇലക്ട്രോണിക്സ് ആൻഡ് ടെലികമ്മ്യൂണിക്കേഷൻ കമ്മ്യൂണിക്കേഷൻ,ടെലികമ്മ്യൂണിക്കേഷൻ ഇവയിലേതെങ്കിലും വിഷയത്തിലാണ് എൻജിനീയറിങ് ബിരുദം നേടിയിരിക്കേണ്ടത്.)

പ്രവൃത്തിപരിചയം: ബന്ധപ്പെട്ട വ്യവസായ മേഖലയിൽ നാല് വർഷത്തെ യോഗ്യതാനന്തര പരിചയം ആവശ്യമാണ്. മറ്റ് പൊതുമേഖലാ സ്ഥാപനങ്ങളിൽ ട്രെയിനികൾ/നിശ്ചിതകാലാവധി / ഭെല്ലിൽ (BEL) കരാർ സംബന്ധമായ ജോലി പരിചയം എന്നിവ പരിഗണിക്കില്ല.

സർട്ടിഫിക്കേഷൻ: നിർദ്ദിഷ്ട OEM അല്ലെങ്കിൽ ഇൻഫർമേഷൻ സെക്യൂരിറ്റി സർട്ടിഫിക്കേഷനുകളിൽ ഒന്നെങ്കിലും ഉണ്ടായിരിക്കണം.

ഉയർന്ന പ്രായപരിധി: 32 വയസ്സ്

മാനദണ്ഡങ്ങൾക്ക് അനുസൃതമായ ഇളവുകൾ ലഭിക്കും.

നിയമന രീതി : സ്ഥിരം നിയമനം

ഒഴിവുകളുടെ എണ്ണം: അഞ്ച്

അപേക്ഷാ ഫീസ്

600 രൂപയും 18% ജി എസ് ടിയും

എസ്‌സി/എസ്ടി/പിഡബ്ല്യുബിഡി/വിമുക്തഭടർ എന്നിവർ അപേക്ഷ ഫീസ് ഒടുക്കേണ്ടതില്ല.

ഓൺലൈനായി അപേക്ഷിക്കാനുള്ള അവസാന തീയതി : മാർച്ച് 30

ഓൺലൈനായി അപേക്ഷിക്കാനുള്ള ലിങ്ക് ഇവിടെ കാണാം

വിശദമായ വിജ്ഞാപനം ഇവിടെ വായിക്കാം