കേന്ദ്ര സർക്കാർ സ്ഥാപനമായ സി-ടാകിന് (C-DAC) കീഴിലുള്ള തിരുവനന്തപുരം ഉൾപ്പെടെയുള്ള സെന്ററുകളിലേക്ക് വിവിധ തസ്തികകളിൽ നിയമനം നടത്തുന്നു. പ്രോജക്ട് എഞ്ചിനീയർ, പ്രോജക്ട് അസോസിയേറ്റ് ഉൾപ്പെടെ വിവിധ തസ്തികകളിലായി ആകെ 60 ഒഴിവുകളുണ്ട്. ബി.ടെക്/ബി.ഇ, എം.എസ്‌സി, എം.സി.എ യോഗ്യതയുള്ള ഉദ്യോഗാർഥികൾക്ക് ഓൺലൈനായി അപേക്ഷിക്കാം. തിരുവനന്തപുരം,റായ്പൂർ,ഡൽഹി,ബംഗളൂരു,പട്ന എന്നിവിടങ്ങളാണ് ഒഴിവുകൾ ഉള്ളത്.

തസ്തിക- ഒഴിവുകളുടെ എണ്ണം (തിരുവനന്തപുരം)

• സീനിയർ പ്രോജക്ട് എഞ്ചിനീയർ: 13 ഒഴിവുകൾ

• സീനിയർ പ്രോജക്ട് എഞ്ചിനീയർ (അപ്ലിക്കേഷൻ സെക്യൂരിറ്റി): 1 ഒഴിവ്

• പ്രോജക്ട് എഞ്ചിനീയർ (എക്സ്പീരിയൻസ്ഡ്): 9 ഒഴിവുകൾ

• പ്രോജക്ട് എഞ്ചിനീയർ (അപ്ലിക്കേഷൻ സെക്യൂരിറ്റി ടെസ്റ്റിംഗ്): 2 ഒഴിവുകൾ

• പ്രോജക്ട് എഞ്ചിനീയർ (SOC അനലിസ്റ്റ്): 2 ഒഴിവുകൾ

• പ്രോജക്ട് എഞ്ചിനീയർ (ഫ്രഷർ): 3 ഒഴിവുകൾ

• പ്രോജക്ട് അസോസിയേറ്റ് (സപ്പോർട്ട് എഞ്ചിനീയർ - ഫ്രഷർ): 3 ഒഴിവുകൾ

യോഗ്യത

1 സീനിയർ പ്രോജക്ട് എഞ്ചിനീയർ- ഈ തസ്തികയിലേക്ക് അപേക്ഷിക്കുന്നവർക്ക് കുറഞ്ഞത് 4 വർഷത്തെ പ്രവൃത്തിപരിചയം ഉണ്ടായിരിക്കണം. ബി.ഇ/ബി.ടെക് (CS/IT/EC/EEE/Instrumentation) അല്ലെങ്കിൽ എം.സി.എ (MCA) എന്നിവയിൽ 60% മാർക്ക് നേടിയവർക്ക് അപേക്ഷിക്കാം. അപ്ലിക്കേഷൻ സെക്യൂരിറ്റി വിഭാഗത്തിലും ഇതേ യോഗ്യതയുള്ളവർക്ക് ഒഴിവുകളുണ്ട്.

2. പ്രോജക്ട് എഞ്ചിനീയർ

ഒരു വർഷത്തെ പ്രവൃത്തിപരിചയമുള്ളവർക്കായി പ്രോജക്ട് എഞ്ചിനീയർ, അപ്ലിക്കേഷൻ സെക്യൂരിറ്റി ടെസ്റ്റിംഗ്, SOC അനലിസ്റ്റ് എന്നീ വിഭാഗങ്ങളിൽ ഒഴിവുകളുണ്ട്. 60% മാർക്കോടെ ബി.ഇ/ബി.ടെക് (CS/IT/EC/EEE) ആണ് യോഗ്യത.

പ്രവൃത്തിപരിചയം ഇല്ലാത്തവർക്കും പ്രോജക്ട് എഞ്ചിനീയർ ആകാൻ അവസരമുണ്ട്. 60% മാർക്കോടെ നിശ്ചിത വിഷയങ്ങളിൽ ബി.ഇ/ബി.ടെക് ബിരുദമാണ് വേണ്ടത്.

3. പ്രോജക്ട് അസോസിയേറ്റ് (സപ്പോർട്ട് എഞ്ചിനീയർ)

തുടക്കക്കാർക്ക് അപേക്ഷിക്കാൻ കഴിയുന്ന തസ്തികയാണിത്. ഇതിലേക്ക് അപേക്ഷിക്കാൻ ബി.ഇ/ബി.ടെക് അല്ലെങ്കിൽ എം.സി.എ ബിരുദം മതിയാകും.

തിരുവനന്തപുരം സി-ഡാക്കിലെ വിവിധ തസ്തികകളിലേക്ക് അപേക്ഷിച്ചവരിൽ യോഗ്യരായ ഉദ്യോഗാർഥികൾക്കായി നേരിട്ടുള്ള അഭിമുഖം നടക്കും.

• അഭിമുഖം നടക്കുന്ന സ്ഥലം: സി-ഡാക്, വെള്ളയമ്പലം, തിരുവനന്തപുരം.

• ഫോൺ നമ്പർ: +91-471-272-3333

• റിപ്പോർട്ടിംഗ് സമയം: രാവിലെ 08.30 മുതൽ 10.30 വരെ.

• അഭിമുഖം നടക്കുന്ന മാസം: 2026 ജൂൺ (താൽക്കാലികം).

• കൃത്യമായ തീയതി: അപേക്ഷകരിൽ നിന്നും തെരഞ്ഞെടുക്കപ്പെടുന്ന ഉദ്യോഗാർഥികളെ അഭിമുഖത്തിന്റെ കൃത്യമായ തീയതിയും സമയവും ഇ-മെയിൽ വഴി അറിയിക്കുന്നതാണ്.

മറ്റ് സംസ്ഥാനങ്ങളിലെ ഒഴിവുകളുടെ വിവരങ്ങൾ,ശമ്പളം,മറ്റ് നിബന്ധനകൾ എന്നിവ അറിയാൻ വിജ്ഞാപനം സന്ദർശിക്കുക.

https://www.cdac.in/index.aspx?id=current_jobs