ഡല്‍ഹി സർക്കാരിന് കീഴിലെ വിവിധ വകുപ്പുകളിലെയും സ്ഥാപനങ്ങളിലെയും ഒഴിവുള്ള തസ്തികകളിലേക്ക് സബോര്‍ഡിനേറ്റ് സര്‍വീസസ് സെലക്ഷന്‍ ബോര്‍ഡ് അപേക്ഷ ക്ഷണിച്ചു. 615 ഒഴിവുകളാണ് ഉള്ളത് . ഇത് സംബന്ധിച്ചുള്ള ഔദ്യോഗിക വിജ്ഞാപനം പുറത്തിറക്കി.

സ്റ്റാറ്റിസ്റ്റിക്കൽ ക്ലാർക്ക് , അസിസ്റ്റന്റ് പബ്ലിക് ഹെൽത്ത് ഇൻസ്പെക്ടർ, മേസൺ , അസിസ്റ്റന്റ് സെക്യൂരിറ്റി ഓഫീസർ , ജൂനിയർ ഡ്രാഫ്റ്റ്സ്മാൻ (ഇലക്ട്രിക്), ടെക്നിക്കൽ സൂപ്പർവൈസർ (റേഡിയോളജി), ബെയ്‌ലിഫ്, നായിബ് തഹസിൽദാർ, അസിസ്റ്റന്റ് അക്കൗണ്ട്സ് ഓഫീസർ, സീനിയർ ഇൻവെസ്‌റ്റിഗേറ്റർ, പ്രോഗ്രാമർ, സർവേയർ, കൺസർവേഷൻ അസിസ്റ്റന്റ് , അസിസ്റ്റന്റ് സൂപ്രണ്ട്, സ്റ്റെനോഗ്രാഫർ, അസിസ്റ്റന്റ് ലൈബ്രേറിയൻ , ജൂനിയർ കംപ്യൂട്ടർ ഓപ്പറേറ്റർ, ചീഫ് അക്കൗണ്ടന്റ് , അസിസ്റ്റന്റ് എഡിറ്റർ, സബ് എഡിറ്റർ , ഹെഡ് ലൈബ്രേറിയൻ, കെയർടേക്കർ, ഫോറസ്റ്റ് ഗാർഡ് , ട്രെയിനർ ഗ്രാജുവേറ്റ് ടീച്ചർ (സ്പെഷ്യൽ എഡ്യൂക്കേഷൻ ടീച്ചർ), മ്യൂസിക്‌ ടീച്ചർ , ജൂനിയർ എൻജിനിയർ , ഇൻസ്‌പെക്ടിങ്‌ ഓഫീസർ, സീനിയർ ലബോറട്ടറി അസിസ്റ്റന്റ് , അക്കൗണ്ടന്റ് , അസിസ്റ്റന്റ് സ്റ്റോർ കീപ്പർ, വർക്ക്‌ അസിസ്റ്റന്റ് ,യുഡിസി (അക്കൗണ്ട്സ് ,ഓഡിറ്റർ), ടെക്‌നിക്കൽ അസി. (ഹിന്ദി), ഫാർമസിസ്റ്റ് (യുനാനി) എന്നീ തസ്തികകളിൽ ആണ് നിയമനം നടത്തുന്നത്.

പ്രായപരിധി ജനറൽ വിഭാഗത്തിന് 18 – 37 വയസ് വരെയാണ്. സംവരണ വിഭാഗത്തിൽപ്പെട്ടവർക്ക് പ്രായ പരിധിയിൽ ഇളവ്‌ ലഭിക്കും. ഓൺലൈനായി അപേക്ഷിക്കാനുള്ള സൗകര്യം ഓഗസ്റ്റ് 18 മുതൽ ലഭ്യമാകും. അപേക്ഷ നൽകാനുള്ള അവസാന തീയതി സെപ്‌തംബർ 16. കൂടുതൽ വിവരങ്ങൾക്ക്  www.dsssb.delhi.gov.in