തിരുവനന്തപുരം കോളേജ് ഓഫ് ഫൈൻ ആർട്സിൽ ഗ്രാഫിക്സ് (പ്രിന്റ് മേക്കിങ്), പെയിന്റിംഗ്, ശിൽപകല വിഭാഗങ്ങളിലെ ലക്ചറർ തസ്തികകളിലേക്ക് താൽക്കാലിക/ദിവസവേതന അടിസ്ഥാനത്തിൽ നിയമനം നടത്തുന്നു. ഇതിനായുള്ള അഭിമുഖം ജൂലൈ 1-ന് രാവിലെ 10 മണിക്ക് കോളജ് ഓഫ് ഫൈൻ ആർട്സ് ക്യാംപസിൽ നടക്കും.
താത്പര്യമുള്ളവർ വിദ്യാഭ്യാസ യോഗ്യത, പ്രവൃത്തിപരിചയം, ജനന തീയതി എന്നിവ തെളിയിക്കുന്ന അസൽ രേഖകളും പകർപ്പുകളും വിശദമായ ബയോഡാറ്റയും സഹിതം അന്നേദിവസം രാവിലെ 10 മണിക്ക് പ്രിൻസിപ്പലിന് മുമ്പാകെ ഹാജരാകണം.
ഗ്രാഫിക്സ് (പ്രിന്റ് മേക്കിങ്) വിഭാഗത്തിൽ അപേക്ഷിക്കുന്നവർക്ക് അംഗീകൃത സർവകലാശാലയിൽ നിന്ന് ഗ്രാഫിക്സിൽ (പ്രിന്റ് മേക്കിങ്) 55 ശതമാനത്തിൽ കുറയാത്ത മാർക്കോടെ ഫസ്റ്റ് ക്ലാസ് അല്ലെങ്കിൽ സെക്കൻഡ് ക്ലാസ് ബിരുദാനന്തര ബിരുദം ഉണ്ടായിരിക്കണം. അല്ലെങ്കിൽ 55 ശതമാനത്തിൽ കുറയാത്ത മാർക്കോടെ പെയിന്റിങ്ങിൽ ഫസ്റ്റ് ക്ലാസ് അല്ലെങ്കിൽ സെക്കൻഡ് ക്ലാസ് നാഷണൽ ഡിപ്ലോമയും ഗ്രാഫിക്സിൽ സെക്കൻഡ് ക്ലാസ് ബിരുദാനന്തര ബിരുദവും ഉണ്ടായിരിക്കണം.
പെയിന്റിംഗ് വിഭാഗത്തിന് 55 ശതമാനത്തിൽ കുറയാത്ത മാർക്കോടെ പെയിന്റിങ്ങിൽ ഫസ്റ്റ് ക്ലാസ് അല്ലെങ്കിൽ സെക്കൻഡ് ക്ലാസ് ബിരുദം, അല്ലെങ്കിൽ പെയിന്റിങ്ങിൽ സെക്കൻഡ് ക്ലാസ് ബിരുദാനന്തര ബിരുദമാണ് യോഗ്യത.
ശിൽപകല (സ്കൾപ്ചർ) വിഭാഗത്തിൽ അപേക്ഷിക്കുന്നവർക്ക് അംഗീകൃത സർവകലാശാലയിൽ നിന്ന് 55 ശതമാനത്തിൽ കുറയാത്ത മാർക്കോടെ സ്കൾപ്ചറിൽ ഫസ്റ്റ് ക്ലാസ് അല്ലെങ്കിൽ സെക്കൻഡ് ക്ലാസ് ബിരുദം, അല്ലെങ്കിൽ സ്കൾപ്ചറിൽ സെക്കൻഡ് ക്ലാസ് ബിരുദാനന്തര ബിരുദം ഉണ്ടായിരിക്കണം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates