ഇൻഡസ്ട്രിയൽ ഡെവലപ്മെന്റ് ബാങ്ക് ഓഫ് ഇന്ത്യ (ഐഡിബിഐ ബാങ്ക്)യിൽ സ്പെഷ്യലിസ്റ്റ് ഓഫീസർമാരുടെ നിയമനത്തിനായുള്ള ഔദ്യോഗിക വിജ്ഞാപനം പുറത്തിറക്കി. ഇന്ന് (മാർച്ച് 25 ) മുതൽ ഏപ്രിൽ എട്ട് വരെ അപേക്ഷിക്കാം.

ഓഡിറ്റ് - ഇൻഫർമേഷൻ സിസ്റ്റം (ഐഎസ്), റിസ്ക് മാനേജ്മെന്റ് - ഇൻഫർമേഷൻ സെക്യൂരിറ്റി, ഇൻഫർമേഷൻ ടെക്നോളജി ആൻഡ് എംഐഎസ് (ഐടി ആൻഡ് എംഐഎസ്), സെക്യൂരിറ്റി ഓഫീസർ എന്നിവയുൾപ്പെടെ വിവിധ സ്പെഷ്യലിസ്റ്റ് ഓഫീസർ തസ്തികകളിലേക്ക് ആണ് അപേക്ഷ ക്ഷണിച്ചിട്ടുള്ളത്.

ഡെപ്യൂട്ടി ജനറൽ മാനേജർ, അസിസ്റ്റ​ന്റ് ജനറൽ മാനേജർ. മാനേജർ. ജൂനിയർ അസിസ്റ്റ​ന്റ് മാനേജർ എന്നീ തസ്തികളിലായി 33 ഒഴിവുകളാണ് ഉള്ളത്. ഐടി, ഇൻഫർമേഷൻ സെക്യൂരിറ്റി, ഓഡിറ്റ്, സെക്യൂരിറ്റി മാനേജ്‌മെന്റ് എന്നീ മേഖലകളിലെ പരിചയസമ്പന്നരായ പ്രൊഫഷണലുകൾക്ക് ഐഡിബിഐ ബാങ്ക് കരിയർ വെബ്‌സൈറ്റ് വഴി അപേക്ഷിക്കാം.

തസ്തിക , ഗ്രേഡ്, പ്രായപരിധി

ഡെപ്യൂട്ടി ജനറൽ മാനേജർ (ഡിജിഎം) – ഗ്രേഡ് ഡി: 35 -45 വയസ്സ്

അസിസ്റ്റന്റ് ജനറൽ മാനേജർ (എജിഎം) – ഗ്രേഡ് സി : 28 -40 വയസ്സ്

മാനേജർ – ഗ്രേഡ് ബി: 25 -35 വയസ്സ്

ജൂനിയർ അസിസ്റ്റന്റ് മാനേജർ - ഗ്രേഡ് ഒ (സെക്യൂരിറ്റി ഓഫീസർ): 50 വയസ്സ്

യോഗ്യതയും പ്രവൃത്തി പരിചയവും

ഓഡിറ്റ് – ഇൻഫർമേഷൻ സിസ്റ്റം (ഐഎസ്) – ഗ്രേഡ് സി

യോഗ്യത:ഐടി/സിഎസ്/ഇലക്ട്രോണിക്സ് മുതലായവയിൽ ബി ടെക്/ബിഇ അല്ലെങ്കിൽ സാധുവായ സിഐഎസ്എ സർട്ടിഫിക്കേഷനോടുകൂടിയ ബിരുദം.

പ്രവൃത്തി പരിചയം:

ഓഫീസർ അല്ലെങ്കിൽ തത്തുല്യമായി കുറഞ്ഞത് ഏഴ് വർഷം, അതിൽ നാല് വർഷം ഐഎസ് ഓഡിറ്റ്/സൈബർ സെക്യൂരിറ്റി ഓഡിറ്റിൽ.

റിസ്ക് മാനേജ്മെന്റ് – ഇൻഫർമേഷൻ സെക്യൂരിറ്റി – ഗ്രേഡ് സി ആൻഡ് ബി

യോഗ്യത:സിഎസ്/ഐടി/ഇലക്ട്രോണിക്സ് മുതലായവയിൽ ബി.ഇ./ബിടെക് അല്ലെങ്കിൽ എംസിഎ/എംഎസ്സി (സിഎസ്/ഐടി).

പ്രവൃത്തി പരിചയം:

ഗ്രേഡ് സിക്ക്: കുറഞ്ഞത് ഏഴ് വർഷം, അതിൽ നാല് വർഷം ഇൻഫർമേഷൻ സെക്യൂരിറ്റിയിൽ .

ഗ്രേഡ് ബിക്ക്: കുറഞ്ഞത് നാല് വർഷം, അതിൽ രണ്ട് വർഷം ഇൻഫർമേഷൻ സെക്യൂരിറ്റിയിൽ

ഐടി ആൻഡ് എംഐഎസ് ഗ്രേഡ് ഡി,സി ആൻഡ് ബി

യോഗ്യത: കമ്പ്യൂട്ടർ സയൻസ്/ഐടി/ഇലക്‌ട്രോണിക്‌സ് മുതലായവയിൽ ബിരുദം (ബിരുദാനന്തര ബിരുദം അഭികാമ്യം).

പ്രവൃത്തി പരിചയം:

ഗ്രേഡ് ഡിക്ക്: കുറഞ്ഞത് 10 വർഷം,

ഗ്രേഡ് സിക്ക്: കുറഞ്ഞത് ഏഴ് വർഷം,

ഗ്രേഡ് ബിക്ക്: കുറഞ്ഞത് നാല് വർഷം

സെക്യൂരിറ്റി ഓഫീസർ - ഗ്രേഡ് ഒ

യോഗ്യത: പ്ലസ്ടു/ ഡിപ്ലോമ പാസ് അല്ലെങ്കിൽ തത്തുല്യം.

പ്രവൃത്തി പരിചയം:

ഇന്ത്യൻ ആർമി/നേവി/വ്യോമസേനയിൽ നിന്ന് വിരമിച്ച ജൂനിയർ കമ്മീഷൻഡ് ഓഫീസർ (ജെസിഒ) തസ്തികയിൽ കുറഞ്ഞത് 15 വർഷത്തെ സേവനം

ശമ്പളം

ഡെപ്യൂട്ടി ജനറൽ മാനേജർ (ഡിജിഎം) – ഗ്രേഡ് ഡി: 102300-120940 രൂപ സ്കെയിൽ (നഗരം അനുസരിച്ച് അലവൻസുകൾ ഉൾപ്പടെ പ്രതിമാസം 197,000 രൂപ വരെ ലഭിക്കാം).

അസിസ്റ്റന്റ് ജനറൽ മാനേജർ (എജിഎം) – ഗ്രേഡ് സി: 85920-105280 രൂപ സ്കെയിൽ (നഗരം അനുസരിച്ച് അലവൻസുകൾ ഉൾപ്പടെ പ്രതിമാസം 164,000 രൂപ വരെ ലഭിക്കാം)

മാനേജർ – ഗ്രേഡ് ബി : 64820- 93960 ( നഗരം അനുസരിച്ച് അലവൻസുകൾ ഉൾപ്പടെ പ്രതിമാസം 124,000 രൂപ വരെ ലഭിക്കാം)

ജൂനിയർ അസിസ്റ്റന്റ് മാനേജർ - ഗ്രേഡ് ഒ (സെക്യൂരിറ്റി ഓഫീസർ) :പ്രതിവർഷം 6.14 ലക്ഷം മുതൽ 6.50 ലക്ഷം രൂപ വരെ (സിടിസി അടിസ്ഥാനത്തിൽ)

അപേക്ഷാ ഫീസ്

ജനറൽ / ഇഡബ്ല്യുഎസ് / ഒബിസി: 1050 രൂപ. (അപേക്ഷാ ഫീസും ഇ​ന്റിമേഷൻ ചാർജും ജിഎസ്ടിയും ഉൾപ്പെടെ )

എസ്‌സി / എസ്ടി / പിഡബ്ല്യുഡി: 250 രൂപ (ഇ​ന്റിമേഷൻ ചാർജും ജിഎസ്ടിയും മാത്രം)

തെരഞ്ഞെടുപ്പ് രീതി:

അപേക്ഷകളുടെ അടിസ്ഥാനത്തിൽ തയ്യാറാക്കുന്ന ചുരുക്കപ്പട്ടിക മാനദണ്ഡമാക്കി ഗ്രൂപ്പ് ചർച്ച (ജിഡി), വ്യക്തിഗത അഭിമുഖം (പിഐ) എന്നിവയുടെ അടിസ്ഥാനാത്തിലായിരിക്കും നിയമനം.

ഓൺലൈനിൽ അപേക്ഷിക്കേണ്ട അവസാന തീയതി :ഏപ്രിൽ എട്ട്

ഓൺലൈനായി അപേക്ഷിക്കേണ്ട ലിങ്ക് ഇവിടെ കാണാം

വിശദമായ വിജ്ഞാപനം ഇവിടെ വായിക്കാം