ഇന്ത്യൻ വ്യോമസേന ( IAF) ഗ്രൂപ്പ് 'സി' സിവിലിയൻ തസ്തികകളിൽ നിയമനം നടത്താൻ വിജ്ഞാപനം പുറത്തിറക്കി. ബംഗളൂരുവിലെ എച്ച് ക്യു മെയ്ന്റനൻസ് കമാൻഡ് വിമാനപുരയിൽ മൾട്ടി ടാസ്കിംഗ് സ്റ്റാഫ് (MTS) തസ്തികയിലേക്കാണ് നിയമനം. ആകെ 6 ഒഴിവുകളാണുള്ളത്. പത്താം ക്ലാസ് പാസായ ഇന്ത്യൻ പൗരന്മാർക്ക് അപേക്ഷിക്കാം. അപേക്ഷകൾ തപാൽ മുഖേന അയക്കണം.

യോഗ്യത

• അംഗീകൃത ബോർഡിൽ നിന്ന് പത്താം ക്ലാസ് (Matriculation) വിജയിച്ചിരിക്കണം.

• വാച്ച്മാൻ, ലസ്കാർ, ജെസ്റ്റെനർ ഓപ്പറേറ്റർ, ഗാർഡനർ എന്നീ ജോലികളിൽ ഒരു വർഷത്തെ പ്രവൃത്തി പരിചയം.

• അപേക്ഷകർക്ക് കുറഞ്ഞത് 18 വയസും പരമാവധി 25 വയസും പ്രായമുണ്ടായിരിക്കണം.

• അപേക്ഷ സ്വീകരിക്കുന്ന അവസാന തീയതിയാണ് പ്രായം കണക്കാക്കുന്നതിനുള്ള കട്ട് ഓഫ് തീയതിയായി പരിഗണിക്കുക.

തെരഞ്ഞെടുപ്പ് രീതി

• അപേക്ഷകളിലെ പ്രായം, വിദ്യാഭ്യാസ യോഗ്യത, സർട്ടിഫിക്കറ്റുകൾ എന്നിവ പരിശോധിച്ച് പ്രാഥമിക പട്ടിക തയ്യാറാക്കും

• യോഗ്യത നേടിയവരെ എഴുത്തുപരീക്ഷയ്ക്ക് വിളിക്കും.

• ജനറൽ ഇന്റലിജൻസ് & റീസണിംഗ്,ന്യൂമറിക്കൽ ആപ്റ്റിറ്റ്യൂഡ്,ജനറൽ ഇംഗ്ലീഷ്,ജനറൽ അവയർനെസ് എന്നി വിഷയങ്ങളിൽ ആകും ചോദ്യങ്ങൾ ഉണ്ടാകുക.

• ചോദ്യപേപ്പർ ഇംഗ്ലീഷിലും ഹിന്ദിയിലും ലഭ്യമാകും.

• എഴുത്തുപരീക്ഷയിൽ വിജയിക്കുന്നവർക്ക് രേഖാ പരിശോധന ഉണ്ടായിരിക്കും. അതിന് ശേഷം അന്തിമ ലിസ്റ്റ് പ്രസിദ്ധീകരിക്കും.

ഈ തസ്തികയ്ക്ക് 7-ാം ശമ്പള കമ്മീഷൻ പ്രകാരമുള്ള ലെവൽ-1 ശമ്പളമാണ് ലഭിക്കുക. അടിസ്ഥാന ശമ്പളം 18,000 രൂപയും അതിനൊപ്പം DA, HRA, മറ്റ് അലവൻസുകൾ എന്നിവ ഉൾപ്പെടെ പ്രതിമാസം ഏകദേശം 28,000 മുതൽ 35,000 രൂപ വരെ ശമ്പളം പ്രതീക്ഷിക്കാം. ഇത് കൂടാതെ മറ്റ് കേന്ദ്ര സർക്കാർ ആനുകൂല്യങ്ങളും ലഭിക്കും. അപേക്ഷകൾ സമർപ്പിക്കേണ്ട അവസാന തീയതി 2026 ജൂലൈ 27.

കരിയർ വാർത്തകൾ ഉടൻ അറിയാൻ വാട്സാപ്പ് ഗ്രൂപ്പിൽ അംഗമാകൂ.

ഇവിടെ ക്ലിക്ക് ചെയ്യുക

കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക.

https://indianairforce.nic.in/