കേന്ദ്ര പൊതുമേഖലാ സ്ഥാപനമായ ഇന്ത്യൻ റെയർ എർത്ത്‌സ് ലിമിറ്റഡിൽ (IREL) വിവിധ കോഴ്സുകൾ പഠിച്ചവരെ പെയ്ഡ് അപ്രന്റീസ് ആയി നിയമിക്കുന്നതിന് അപേക്ഷ ക്ഷണിച്ചു.

ഐടിഐ,ഡിപ്ലോമ,ബിരുദം, ബിടെക്, എംബിഎ, പി ജിഡിഎം യോഗ്യതയുള്ളവരെയാണ് അപ്രന്റീസ് ആയി നിയമിക്കുന്നത്. എല്ലാ വിഭാഗത്തിലുമായി 30 ഒഴിവുകളാണ് ഉള്ളത്.

ഗ്രാജുവേറ്റ് അപ്രന്റീസുകൾ, ടെക്നീഷ്യൻ അപ്രന്റീസുകൾ, ട്രേഡ് അപ്രന്റീസുകൾ എന്നീ തസ്തികകളിലേക്കാണ് അപേക്ഷ ക്ഷണിച്ചിട്ടുള്ളത്

വിദ്യാഭ്യാസ യോഗ്യത: റഗുലർ ഫുൾടൈം മോഡിൽ മാത്രം നേടിയ ട്രേഡ് പ്രകാരമുള്ള (ബി ടെക്, ബി കോം, ഡിപ്ലോമ, ബി എസ്‌സി, എംബിഎ/പിജി എച്ച്ആർ/പിഎംഐ ആൻഡ് ഐആർ,ഐടിഐ).

പ്രായപരിധി: 18 - 25 വയസ്സ് (15-03-2026ന്) എസ്‌സി/എസ്ടി വിഭാഗത്തിൽപ്പെട്ടവർക്ക് അഞ്ച് വർഷം, 5 വർഷം വരെയും ഒബിസി (എൻ‌സി‌എൽ) വിഭാഗത്തിന് മൂന്ന് വർഷം പിഡബ്ല്യുബിഡി വിഭാഗത്തിൽപ്പെട്ടവർക്ക് 10 വർഷം ഇളവ് ഉയർന്ന പ്രായപരിധിയിൽ ലഭിക്കും.

1992 ലെ അപ്രന്റീസ്ഷിപ്പ് നിയമങ്ങളും സർക്കാർ വിജ്ഞാപനങ്ങളും പ്രകാരമുള്ള സ്റ്റൈപൻഡ്. ഇതിന് പുറമെ 1,500 രൂപയുടെ ഭക്ഷണ കൂപ്പണും നൽകും.

ഔദ്യോഗിക വെബ്‌സൈറ്റ് വഴി ഓൺലൈനായി അപേക്ഷിക്കാം.ഔദ്യോഗിക വിജ്ഞാപന പ്രകാരം അപേക്ഷാ ഫോം സമർപ്പിക്കാനുള്ള അവസാന തീയതി മാർച്ച് 15 (15-03-2026) ആണ്.

അപേക്ഷ സമർപ്പിക്കേണ്ട വെബ് സൈറ്റ്: irel.co.in.