തദ്ദേശ സ്വയംഭരണ വകുപ്പി(LSGD)ന്റെ എൻജിനിയറിങ് വകുപ്പിന് കീഴിലുള്ള റീജിയണൽ ലബോറട്ടറികളിലെ സിവിൽ എൻജിനിയർമാക്ക് അപേക്ഷിക്കാവുന്ന ഒഴിവുകളിൽ നിയമനം നടത്തുന്നതിന് അപേക്ഷ ക്ഷണിച്ചു.

ഐ ടി ഐ, ഡിപ്ലോമ, ബിടെക് ഉള്ളവർക്ക് യോഗ്യതയുടെ അടിസ്ഥാനത്തിൽ ഈ തസ്തികകളിലേക്ക് ജോലിക്ക് അപേക്ഷിക്കാം.

സെന്റർ ഫോർ മാനേജ്‌മെന്റ് ഡെവലപ്‌മെന്റിന്റെ (CMD) പേയ്‌റോളിന് കീഴിലായിരിക്കും നിയമനം. തദ്ദേശ സ്വയംഭരണ വകുപ്പ് നിർദ്ദേശിക്കുന്ന സ്ഥാപനങ്ങളിലാകും തെരഞ്ഞെടുക്കപ്പെടുന്ന ഉദ്യോഗാർത്ഥികൾ ജോലി ചെയ്യേണ്ടത്.

താൽപ്പര്യമുള്ളവർ ജനുവരി 30 നകം സെന്റർ ഫോർ മാനേജ്‌മെന്റ് ഡെവലപ്‌മെന്റ് (സിഎംഡി) യുടെ വെബ്‌സൈറ്റ് വഴി ഓൺലൈനായി അപേക്ഷിക്കണം .

റീജിയണൽ ലബോറട്ടറികളിലെ ഒഴിവുകൾ

ഗ്രാജുവേറ്റ് എഞ്ചിനീയർ

യോഗ്യത :

◉സിവിൽ എൻജിനീയറിങ്ങിൽ ബിരുദം

◉മൂന്ന് വർഷത്തെ പ്രവൃത്തി പരിചയം

ശമ്പളം : 44,020 രൂപ

പ്രായപരിധി :36 വയസ്സ് (01-01- 2026)

ഒഴിവുകളുടെ എണ്ണം: മൂന്ന്

ഡിപ്ലോമ എൻജിനിയർ

യോഗ്യത :

◉ സിവിൽ എൻജിനീയറിങ്ങിൽ ഡിപ്ലോമ

◉രണ്ട് വർഷത്തെ പ്രവൃത്തി പരിചയം

ശമ്പളം: 28,100

പ്രായപരിധി: 36 വയസ്സ്(01-01- 2026)

ഒഴിവുകളുടെ എണ്ണം :മൂന്ന്

ലാബ് അസിസ്റ്റന്റ്

യോഗ്യത:

◉ ഐടിഐ ഡ്രാഫ്റ്റ്സ്മാൻ ഇൻ സിവിൽ

◉ഒരു വർഷത്തെ പ്രവൃത്തി പരിചയം

ശമ്പളം: 21,175

പ്രായപരിധി: 36 വയസ് (01-01- 2026)

ഒഴിവുകളുടെ എണ്ണം: ആറ്

പൊതുവിവരങ്ങൾ

◉ എല്ലാ തസ്തികളിലും കരാർ അടിസ്ഥാനത്തിലായിരിക്കും നിയമനം. ഒരു വർഷമാണ് കരാർ നിയമന കാലാവധി. തദ്ദേശ സ്വയം ഭരണ സ്ഥാപനത്തിലെ പ്രോജക്ട് ആവശ്യകതകൾക്കും സർക്കാരിന്റെ അംഗീകാരത്തിനും വിധേയമായി കരാർ കാലാവധി നീട്ടാവുന്നതാണ്.

◉ഓൺലൈൻ അപേക്ഷ സമർപ്പിക്കുന്നതിനുള്ള അവസാന തീയതി: 2026 ജനുവരി 30, വൈകുന്നേരം 05.00.

◉ സെന്റർ ഫോർ മാനേജ്‌മെന്റ് ഡെവലപ്‌മെന്റ് (സിഎംഡി) യുടെ വെബ്‌സൈറ്റ് വഴി ഓൺലൈനായി വേണം അപേക്ഷ നൽകാനുള്ളത്.

Job Alert:LSGD Engineering Department invites applications for Civil Engineer posts in regional laboratories. ITI, Diploma, and Degree holders can apply.