നാഷണൽ അറ്റ്മോസ്ഫെറിക് റിസർച്ച് ലബോറട്ടറി (NARL)യിൽ വിവിധ ഒഴിവുകളിലേക്ക് അപേക്ഷ ക്ഷണിച്ചു കൊണ്ട് ഔദ്യോഗിക വിജ്ഞാപനം പ്രസിദ്ധീകരിച്ചു. സയന്റിസ്റ്റ്.എൻജിനീയർ, ജൂനിയർറിസർച്ച് ഫെലോ (ജെ ആർഎഫ്) തസ്തികകളിലാണ് ഒഴിവുകളുള്ളത്.

സയന്റിസ്റ്റ്/എൻജിനീയർ തസ്തികകളിൽ രണ്ട് ഗ്രേഡുകളിലാണ് അപേക്ഷ ക്ഷണിച്ചിട്ടുള്ളത്. എസ് സി, എസ് ഡി എന്നീ ഗ്രേഡുകളിലാണ് ഈ വിഭാഗത്തിലെ ഒഴിവുകൾ.

ഇന്ത്യാ ഗവൺമെന്റിന്റെ ബഹിരാകാശ വകുപ്പിന് കീഴിൽ ഗവേഷണ, ശാസ്ത്ര മേഖലകളിൽ ജോലി ചെയ്യാൻ താൽപ്പര്യമുള്ള ഉദ്യോഗാർത്ഥികൾക്ക് മികച്ച അവസരമാണ് എൻ എ ആർ എല്ലിലെ ജോലി. താൽപ്പര്യമുള്ളവരും യോഗ്യതയുള്ളവരുമായ ഉദ്യോഗാർത്ഥികൾക്ക് ഏപ്രിൽ 27 വരെ ഓൺലൈനായി അപേക്ഷ സമർപ്പിക്കാം.

നാഷണൽ അറ്റ്മോസ്ഫെറിക് റിസർച്ച് ലബോറട്ടറി ( NARL ) ഇന്ത്യാ ഗവൺമെന്റിന്റെ ബഹിരാകാശ വകുപ്പിന്റെ ധനസഹായത്തോടെ പ്രവർത്തിക്കുന്ന സ്വയംഭരണ ഗവേഷണ സ്ഥാപനമാണ് . അന്തരീക്ഷ ശാസ്ത്ര മേഖലയിലെ അടിസ്ഥാനപരവും പ്രായോഗികവുമായ ഗവേഷണങ്ങളിലാണ് ഈ സ്ഥാപനം ശ്രദ്ധയൂന്നുന്നത്.

1992 ൽ നാഷണൽ മെസോസ്ഫെറിക്-സ്ട്രാറ്റോസ്ഫെറിക്-ട്രോപ്പോസ്ഫെറിക് (MST) റഡാർ ഫെസിലിറ്റി (NMRF) എന്ന പേരിലാണ് ഈ ഗവേഷണ സ്ഥാപനം ആരംഭിച്ചത്. പിന്നീട് 2005 ൽ എൻ എം ആർ എഫി (NMRF) നാഷണൽ അറ്റ്മോസ്ഫെറിക് റിസർച്ച് ലബോറട്ടറി (NARL) എന്ന പേര് നൽകി ഗവേഷണ സ്ഥാപനമാക്കി മാറ്റി.

തസ്തികയും ഉയർന്ന പ്രായപരിധിയും

ജൂനിയർറിസർച്ച് ഫെലോ ജെആർഎഫ്: 28 വയസ്സ്

സയന്റിസ്റ്റ്/എൻജിനീയർ (എസ്‌സി) : 30 വയസ്സ്

സയന്റിസ്റ്റ്/എൻജിനീയർ എസ്‌ഡി: 35 വയസ്സ്

അർഹതയുള്ള വിഭാഗങ്ങൾക്ക് മാനദണ്ഡപ്രകാരമുള്ള പ്രായ ഇളവുകൾ ലഭിക്കും.

തസ്തികയും യോഗ്യതയും

ജൂനിയർറിസർച്ച് ഫെലോ ജെആർഎഫ്

ഫിസിക്സ് / അറ്റ്മോസ്ഫെറിക് സയൻസ് / സ്പേസ് ഫിസിക്സ് / മെറ്റീരിയോളജി / എർത്ത് സിസ്റ്റം സയൻസസ് / ജിയോഫിസിക്സ് / റിമോട്ട് സെൻസിങ് / അപ്ലൈഡ് കെമിസ്ട്രി എന്നിവയിലേതെങ്കിലും വിഷയത്തിൽ കുറഞ്ഞത് 65% മാർക്കോടെ എം എസ് സി

അല്ലെങ്കിൽ

ഇലക്ട്രോണിക്സ് / കമ്മ്യൂണിക്കേഷൻ / ഒപ്റ്റിക്കൽ എൻജിനീയറിങ് / ഫോട്ടോണിക്സ് / ഇൻസ്ട്രമെന്റേഷൻ എന്നിവയിലേതെങ്കിലും വിഷയത്തിൽ കുറഞ്ഞത് 60% മാർക്കോടെ എംഇ അല്ലെങ്കിൽ എംടെക്

സി എസ് ഐ ആർ-യു ജിസി നെറ്റ് / ഗേറ്റ് / ജാം / ജെസ്റ്റ് എന്നിവയിൽ ഏതിലെങ്കിലും സാധുവായ സ്കോർ

സയന്റിസ്റ്റ്/എൻജിനീയർ (എസ് ഡി)

കുറഞ്ഞത് 60% മാർക്കോടെ എം എസ്‌സി/എം എസ്

ബന്ധപ്പെട്ട മേഖലകളിൽ ഏതെങ്കിലും വിഷയത്തിൽ പിഎച്ച്ഡി

അഭിലഷണീയം:

എയർ ക്വാളിറ്റി മോഡലിങ് / ക്ലൈമറ്റ് മോഡലിങ് / എച്ച്പിസി എന്നിവയിൽ പരിചയം.

സയന്റിസ്റ്റ്/എൻജിനീയർ (എസ്‌സി)

60% മാർക്കോടെ ആർഎഫ്/മൈക്രോവേവ്/കമ്മ്യൂണിക്കേഷനിൽ എം ഇ /എം ടെക്

65% മാർക്കോടെ ഇസിഇയിൽ ബി ഇ./ബിടെക്

അഭിലഷണീയം:

റഡാർ സിസ്റ്റം എൻജിനീയറിങ്ങിൽ പരിചയം.

തസ്തികയും ഒഴിവുകളുടെ എണ്ണവും

ജൂനിയർ റിസർച്ച് ഫെലോ (ജെആർഎഫ്): 13

സയന്റിസ്റ്റ്/എൻജിനീയർ (എസ്‌ഡി): 01

സയന്റിസ്റ്റ്/എൻജിനീയർ (എസ്‌സി): 01

ആകെ ഒഴിവുകളുടെ എണ്ണം: 15

തസ്തികയും ശമ്പളവും

ജെ ആർ എഫ്

37,000 രൂപ ആദ്യ രണ്ട് വർഷങ്ങളിൽ

42,000 രൂപ മൂന്ന് മുതൽ പിന്നീടുള്ള വർഷങ്ങളിൽ

സയന്റിസ്റ്റ്/എൻജിനീയർ (എസ്‌ഡി) :67,700 – 2,08,700 രൂപ സ്കെയിലിൽ ( പുറമെ അലവൻസുകൾ)

സയന്റിസ്റ്റ്/എൻജിനീയർ (എസ്‌സി): 56,100 – 1,77,500 രൂപ സ്കെയിലിൽ ( പുറമെ അലവൻസുകൾ)

ഓൺലൈനായി അപേക്ഷ സമർപ്പിക്കേണ്ട അവസാന തീയതി: ഏപ്രിൽ 27 രാത്രി 11.59 മണി വരെ

അപേക്ഷ സമർപ്പിക്കേണ്ട ലിങ്ക് ഇവിടെ കാണാം

സയന്റിസ്റ്റ്/എൻജിനീയർ തസ്തികകളിലേക്കുള്ള വിജ്ഞാപനം ഇവിടെ വായിക്കാം.

ജെ ആർ എഫ് വിജ്ഞാപനം ഇവിടെ വായിക്കാം